Mateo 5:9 - El Nuevo Testamento en matsés

⁹ Aton matses chieshënnansho isash: Padi. Bëdambuequien tabadtiad, quequid Nuquin Papan bëdambo icmequin dada cun mado caquimbi chido cun champi caindac.

Mateo 5:9 Referans Kwoze

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Doma 12:18

Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Doma 8:14

Aden aton Mayan Bëdan tantiamiacpadec bëdambuec tabadquido icsho Nuquin Papan: Cun mado nec. Cun champi nec, caindac.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Hechos 7:26

Badiadash aton matses yacno isec padpidec niduaquimbi aton matses daëd cuesnansho istuidshun: Ënmenu, quequin tantiaquin: ¿Atotsi quec min matses daëdi cuesnanec ne? capampic Moisesën.

Mateo 5:45

Aden chiannesho tantiec Nuquin Papa abuc tsadquidën: Cun mado nec. Cun champi nec, caido mibitedi iquendac. ¿Bëdambo icquido yacnouidtsëquida Nuquin Papan uëshë chëncamepadic? Padenquio. Icsambo icquido yacnotsen uëshë chëncamec. ¿Bëdambo icquido yacnouidtsëquida ue chomepadic? Padenquio. Icsambo icquido yacnotsen ue chomec.

Codinto 1 6:6

Mibëtan Esus tantiaquid utsibo yacno nidenquio icquimbi cuidte chuiquid Esus tantiesa yacno nidshun adec utsibëd chushcananquid cuidmenuen chuimenda.

Pidipos 4:2

Tantia. Ebodiabëta Sintique chuinu. Amicananenda. Esus tantiaquid yec: Nuquin Icbo Esusën chiacpadomboen naic bëdambuec tabadnuna, cananec bëdambuec tabadta.

Ducas 20:36

Adecbidi Nuquin Papabëd icquido uënësesa yacpadecbidi Nuquin Papan uincuenmiaido yec uënësenquio iquendac. Aden uincuenmiaido yec Nuquin Papan bacuëbo nendac.

Epeso 4:1

Nuquin Icbo Esuquidistu chuibennesho bedshun quënën tsadunaid icquin naden mibitedi chuinu. Nuquin Papan tantiamiaido yec bëdambuec tabadquid nec, quequin chiacpadquid mibi neque. Bëdambuec tabadta.

Doma 8:16

Nuquin Papan Mayambëd nuquin mayan daëdash tabadnuc: Nuquin Papan mado nebi. Aton champi nebi, nuquitedi quendac.

Doma 8:19

Aden Nuquin Papan: Nëid cun mado nec. Nëid cun champi nec, quequin abitedi ismete uëshë cainec ambi uaidtedi: ¿Nëbimbobida napeba? quequin cainec tabadec.