Mateo 5:32 - El Nuevo Testamento en matsés

³² Utsitsen mibi chuinu. Aton chidon dada utsi chudmesho istuidshun Moisesën chiacpadombuen naic icsainquio ictsiash. Aton chido dada utsi chudmesa icshobi aton bënën ambembi dada uaid menequin aton chido cuenmiac icsambo iquec. Aden cuenmequin chido icsametsiash. Chido cuenmiaid bedquidtsen dada icsaindac, quepanëdash Esus.

Mateo 5:32 Referans Kwoze

Doma 7:3

Bënë uënësambo icnubi dada utsi bedsho issun: Icsambo iquec, cabededtsiash. Bënë uënësambien dada utsin bedadquid chido. Aden dada utsin bedacsho: Icsambo iquec, cainquio ictsiash.

Ducas 16:18

Adashic utsi chiec: Aton chido bunenquio icquin aid nianquin chido utsi bedquin Nuquin Papan Chiaid niaquec icsaindac. Adecbidi aton bënën niambued chido bedquin Nuquin Papan Chiaid niaquec icsaindac, quepanëdash Esus.

Codinto 1 7:4

Chidon dada aton bënënabidi yec aidbëd ictequid nec. Adecbidi dadan dada aton chidonabidi yec aidbëd ictequid nec.

Mateo 5:28

Aden chiaid niac niacquin icsambuen naquid icnubi nadquidbidi icsambo icuaic. Aton chidopenquio isec: Uid chudtiadquio icchitebi, quequin otacquio tantiaquin isequi adecbidi matses icsapec.

Ducas 9:35

Adnubien abu ushu yacnouësh onquec: Nëid Cun Madombo umbi Chomiaidquio Quidistu neque. Aidën chuisho bëdambuen tantiata, quepanëdash.

Ducas 9:30

Adnubien dada daëd isadcuenash Esusbëd onquec tabadpanëdash. Aidi Moisesbëd Edias nepanëdash.