Mateo 5:25 - El Nuevo Testamento en matsés

²⁵ Mibëd chieshënnambuedën: Nëid cuidmenuen cuidte chuiquid yacno buanchitembimbi iquec, queshun mibi buanac podquiedën nidec aidbëd bëdambuec onqueta: Ma nëish bëdannu, quiash. Matses cuidte chuiquidën cuidnushe, quiash badedquio mibëd chieshënnambuedbëd bëdambuec isnanta. Padenquio icsho matses cuidte chuiquidën: Icsambo iqueque. Quënën tsadunta, cac mibi quënën tsaduntsiashe.

Mateo 5:25 Referans Kwoze

Ebedeo 3:13

Nuquin Papan chiacpadec bëdambuec tabadnuna, quec badiadquidën badiadquidënquiec utsibobëd chuinannuna. Nuquin Papan dada uamequin chiacpaden nëbimbobi nanuna: Icsambuen namianquidën muaquin icsambuen namiac Nuquin Papan chiacpadombuen nainquiocquid icmane, queshun.

Ebedeo 3:7

Aden Esusën dayun uaid icsho Nuquin Papan Chiaid aton Mayan Bëdan naden chuiquin dada uamepampic: Nëid uëshëmbi Nuquin Papan Chuibued tantiashumbi

Ebedeo 12:17

Aden Esaun nampid mimbi tantiec. Ambi chiacpadombuen abi chuitequidi aton papan Acobo chiacsho tantiashun: Ubitsen mimbi bëdambo icmete chiaid utsi chui, papa, cac: Uesquin min utsi chiombi, quequin aton papan chiac Esau shubiquiopampic.

Codinto 2 6:2

Nuquin Papan chuiquin dada uamiampid nad iquec: Umbi tantiacpadën mimbi: Mibi tantiembi, quesho mibi bëdambuen isendambi. Aden mibi cuidenquiocquin ubëd tabadtequid icmequin mibi bëdambuen isquin nashunendambi, quequin chuipampic. Aden Nuquin Papan chiampicpadombuen nëbi bëdambuen tantiata. Nëbi Nuquin Papan mibi cuidenquio icquin mibi bëdambuen isquin abëd tabadmete uëshë neque. Ai, cata. Nëid uëshëmbobi ambi bëdambuen iste uëshë nendac.

Mateo 26:58

Adnubien Petedo uannoshon isbëec tsiuec chopanëdash. Adanec Nëish iua cuessunneshun pichicaquidon chuiquid tapan shubu yacno choash tsicatiaid shëcuën puduedpanëdash. Adec puduedash Nuquin Papa tabadte shubu isquido sondado tabadacno Petedo tsadtuidpanëdash. Chuiquidon Esus ¿mitsipadoeque? Isnu, quec adec tsadpanëdash.

Ducas 18:3

Adnubien ambo icquid chido niante icposh. Aidi icsambuen naquid cuidte chuiquid yacno nidshun: Ubi chieshënquin icsambuen naquid ma cuidnu, quequin chuitannequid icposh.