Mateo 5:24 - El Nuevo Testamento en matsés

²⁴ Adshun: Ai, ubëd chieshënnambued iquec, queshun Nuquin Papa tantiaquin mimbi bëbued meniabi mibëd chieshënnambued yacno nidash aidbëd bëdambuec onqueta. Adec bëdambuec onquiash bëdambuec isnanash padpidec chouashun Nuquin Papa tantiaquin mitsana meneta.

Mateo 5:24 Referans Kwoze

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Timoteo 1 2:8

Tantia. Dadatedi chuinu. Iccuededec cuëdënacno puduedshun Nuquin Papa chuinuec bëdambuequien tabadtiad. Nëish bëdanash chushcananenquio icquimbien podo cadoquin Nuquin Papa chuitiad.

Mateo 23:23

Moisesën chiampid tantiamequidobëd padiseobo bëdambocquid danmianquido yec icsamboquido icsho Nuquin Papan cuidtequidombo mibitedi nendac. Nuquin Papan Chiaid abentsëqui tantiactsëcquin min tiedën icquid menta caid yec anis caid yec comino caid yec quequin bedshun 10ted icnuc tambanquin sanshun abentsëc bedtednequin Nuquin Papa mimbi menepec. Aden menequid icquimbi mimbi Nuquin Papan Chiaid utsi dadpen niacpec. Chieshëmënquid icbuedi: Umbi icsambuen naid tantienquio yec bëshunta, quequin chiaqui mibi bëshuntiapimbo iquec. Adembidi bëdambocquidi mua uaquin mimbi cuidte chuiquid icsambuen cuidmec. Nuquin Papa tantienquio icquin ambi chiacpadombuen min tiedën caniquid pistsëc musucshun menequid icquimbi Ambi Chiaid utsi abitedi natiadquidi ma mimbi nainquio icpaboc.

Codinto 1 11:28

Adquid icnuc pete cuëshëmpi pequin sicaid actequidëmpi acnumbi: ¿Adambi Esus tantiaquin bëdambuen napoba? ¿Adabi Esus tantiec utsibobëd bëdambuec tabadpoba? quec mibibi datantiadcuededta.

Madcos 9:50

Sa bëdambocquid bëdambo iquec. Sa bëdambo icbuedi icsacsho ¿Mitsipaden bëdambo icmeuapec? Sa bëdambocquid casecac daëdacsho petiadquio yacbimbuec utsibobëd bëdambuec tabadta, quepanëdash Esus.

Mateo 5:23

Adec chieshëmënquido Nuquin Papan cuidtequido nendac, quequin umbi chuisho tantiashun bëdambuen nata. Nuquin Papa tabadte shubu dapa yacno puduedshun: Ambi chiacpadombuen naquin cuna musuc menenu, mimbi capec. Aden menenumbi mimbi naid tantiata. ¿Ubëd chieshënnambuedta icpec? quequin tantiata.