Mateo 5:18 - El Nuevo Testamento en matsés

¹⁸ Tantia. Abimbo chuinu. Abubëta nidaid nibëdanmiabi icnuc Nuquin Papan: Naden nata, quequin chuiquin dada uamiampid utsi uatiapimbo iquendac. Ambi chiampictedimbo namequin nainendac.

Mateo 5:18 Referans Kwoze

Ducas 16:17

Abubëd nidaid ënëdtequid icnuc Nuquin Papan: Naden nata, quequin chuiquin Moises dada uamiampidtedi utsi uatiapimbo iquendac, quepanëdash Esus.

Petedo 1 1:25

Padnuen Nuquin Papan Chiaid nibëdantiapimbo icquid yec ucudtiapimbo icquid nec, quequin abimbo chuipampic. Aidën Chiaid Bëda Esusën naid mibitedi tantiamequin chuibampanëdash.

Madcos 13:30

Abimbo chiembique. Tantia. Umbi chuibambuedtedi yanabicnuc nëbi matses icquido utsi utsiec uënësec naimëdenquio iquendac.

Esusën Uan ismiaid 20:11

Adshumbic padpiden matses cuidte ismeposhi. Aden ismiac tsadte tapa ushumboshë icquidën Nuquin Papa tsadsho ispombi. Icsambuen naquido cuidquidquio yec dacuëdampambuec Nuquin Papa isadnuc abubëdi nidaid abichobi nibëdquio yamposh, padpidec isadtiapimbo yec.

Uanën dada uaid 5:19

Adshumbic Esusën naden chuiuapondash: Tantia. Mibi chuinu. ¿Nuquin Papan Madombo icquin umbi tantiacpadombuen naictabi nedi? Padenquio. Cun Pan nasho issun aidën nacpadombuembidi naic nebi. Cun Pan abitedimbo nacpadombuembidi aton Madombo icquin nabanec nebi.

Mateo 17:20

Nuquin Papambo tantiaquioquin mimbi bëdambuen natsenac. Cute mostasa caid ëshë pistsëcquio yacbimbuen mimbi ubi bëdiactsëc tantiatsec. Aden bëdiactsëc tantiaquid icquin nëid macuësh cain: Nëmbo icbuedi uanno mannëdta, cac ambo ictsiandac. Adembidi: Umbi natiapimbo ictequid nec, mimbi caidi mimbi: Ubi bëdambuen nameta, Papa, quequin abi chuidonesho issun aidëmbi mibi nametsiash. Nëbi umbi dapuduenmebued abembi cuentiapimbo icquid nec. Nuquin Papauidtsëqui tantiaquin buna mëmunquin Nuquin Papa chianneshun adquid dapuduenmetequid nendac, quequin Esusën abëd icquido chuipondash.

Mateo 16:28

Aden chiashic Esus: Abimbo chuinu. Tantiata. Nëmbo tabadquid ubi tantiaquid utsi utsiec uënësabi yec nidaidën abi tabadquin Matsesën Tishaid yec abitedishun Icbombo icmiacsho isendac, quepondash Esus.

Mateo 13:17

Mibi abimbo caimbique. Tantia. Nuquin Papan oncamiaidobëtan Nuquin Papa tantiec bëdambuec tabadquido dadpenshun mibitedishun ubi isacpadombuen ubi iste bunequi ubi chosho isambobi uënësbudnepampic. Mibitedishun umbi chuibansho tantiacpadombuen tantiate bunequi tantiambobi uënësbudnepampic, quepondash Esus.

Mateo 10:23

Shubu dadpen icquid yacno nidacsho natiamequin chieshënac shubu dadpen icquid utsi yacno cuenta. Amboshontsen umbi naid chuisho chieshënuac shubu dadpen icquid utsi yacnotsen cuenuata. Adecuidi cuendedneta. Nëid nidaid Isadaidën shubu dadpen icquid abitedi yacno nidabi icnubi nuquin matses isadaidbo abitedi chiabi icnubini Matsesën Tishaid yec chouaindac, quepondash Esus.

Mateo 6:2

Mimbi atona nibëdquido meniaid utsibo chienda. Utsibo bëdambocquid danmianquidën nacbimbuen nainda. Adquido Nuquin Papan Chiaid chuibante shubun puduedshun ambi nabued aton matses chiendac. Adembidi matses dadpen capuacnoshon ambi nabued chiendac: Mabi bëdambocquid nec, canu, queshun. Aidon Nuquin Papan menete bëdamboshëcquid bedtiapimbo iquendac.

Mateo 5:26

Aden tsadunmiac mimbi icsambuen nabued cuidquin cuidte chuiquidën chiactedi uesquin meniambo yec quënë yacnouësh mibi puduentiapimbo iquendac, quequin Esusën chuibampanëdash.

Uanën dada uaid 21:18

Adshumbic Petedobidi chuiuaic: Tantia. Utsitsen abimbo chuinu. Cania yec min dashcute mibibi tsisiuidtennec. Adanec mibi bunacno mibi nidtenniondac. Tsësiobudtsacshoen tsiumeshun utsibon ëquë mëdimbudcuentsëcshun mibi nidte bunacmanombo mibi buanendac, quepondash Esus.

Uanën dada uaid 16:23

Adnubini Cun Pa yacno nidendac. Adec ubi nidacsho: ¿Atotsi quiash ne? ubi catiapimbo icquimbi Nuquin Papa mimbi chiannendac: Min Mado tantiaquid nebique. Ubi nashunta, Papa, cac ubi tantiaquin Cun Pan mibi nashunendac.

Uanën dada uaid 16:20

Tantia. Mibitedi abimbo chuinu. Ubi uënës uasho isash mibitedi uënësquio icnuc shubicuedednubi ubi tantiesabo cuishonquendac. Adec uënësquio icnuc shubibuedobi mibitedi cuishonquianendac.

Uanën dada uaid 14:12

Tantia. Mibitedi abimbo chuinu. Cun Pa yacno ubi nidan umbi nabocpadombuen ubi tantiaquidontsen nadatiambocquin udictsëc nabanendac.

Uanën dada uaid 13:38

Adsho tantiashien Esus: Ubien natiad iquec ¿quecta ictsia? Tantia. Mibi chuinu. Cachina cuëdanabi icnuc: Umbi isacmaid nec, quequin mimbi 3teden chiendac, quepondash Esus.

Uanën dada uaid 13:16

Tantia. Abimbo chuinu. Iuan aton icbo dëniactiapimbo iquec. Nidmiaidën abi nidmequid dëniactiapimbo iquec.

Uanën dada uaid 12:24

Adshumbic utsi chiacbimbuen naden chuipondash: Tantia. Mibi abimbo chuinu. Tidico caid ëshë chococac caniash bacuëec bëdambocquid. Chococabi icac bëdambo ictiapimbo iquec.

Uanën dada uaid 10:7

Adsho tantiashun Esusën padpidembuen naden chuiuapondash: Tantia. Mibi abimbo chuinu. Obeca tsicatiaid puduedte shëcuëbimbuecquid nebi.

Uanën dada uaid 10:1

Adshumbic Esusën utsi chiacbimbuen naden chuiuapondash: Tantia. Mibitedi chuinu. ¿Mitsipadec nuquin matses aton iua obeca dadpen dayun uaquid icpec? Ambi obeca tsicatiaid puduedte shëcuënquio icbo puduedquid nec. Padnuen ampe tsicatiaid mayadec puduedquid nendac.

Uanën dada uaid 8:58

Adshobien Esusën: Abimbo chuinu. Tantiata. Abadauan tishabi icnubi ëndenquimboshë ictennedi nebi, capondash.

Uanën dada uaid 8:51

Tantia. Mibi abimbo chuinu. Umbi chiacpadombuen naic tabadquid uënësenquio yec Nuquin Papabëd tabadendac, quepondash Esus.

Uanën dada uaid 8:34

Adoaquien Esusën: Tantia. Mibi abimbo chuinu. Abi iuaquidën uidënuac nidtiapimbo yacbimbuen icsambuen naquidën ambembi ambi icsambuen naid ëntiapimbo iquec.

Uanën dada uaid 6:53

Adsho ambibi tantiashien Esus: Tantia. Mibi abimbo chuinu. Matsesën Tishaid icsho cun nami pequinc cun intac acquinc cainquiocquid Nuquin Papabëd ënëdenquio yec tabadtiapimbo iquendac.

Uanën dada uaid 6:47

Adashic padpidec: Tantia. Abimbo chuinu. Ubi tantiaquido Nuquin Papa yacnombo ënëdenquio icnuc ubëdi tabadmendambi.

Uanën dada uaid 6:32

Adoaquien Esusën: Nuquin tsusedpa Moisesëmpenquien napanëdash. Cun Pambien aden pemiondash. Nëbi ambi chomiaid petebimbuecquid icsho Nuquin Papan mibi aidquio tantiamete bunec.

Uanën dada uaid 6:26

Esusën: Tantia. Mibitedi chuinu. ¿Nuquin Papan Chomiaidquio nec, quequin Ubimbo tantiecta chochodio? Umbi pete uasho isash: Nuquin Papan Chomiaidënquio naoshe. Istannu ¿quecta ictio? Ma mimbi peteuidtsëqui tantiaquin ubi nibëmpayoc.

Uanën dada uaid 3:11

Tantia. Mibi abimbo chuinu. Umbi isondaidbëta umbi tantiondaidquio chuibanaqui ma mibitedishun tantienquio icpaboc.

Uanën dada uaid 3:5

Adsho tantiashumbien Esusën: Mibi abimbo chuinu. Tantia. Nuquin Papan Mayanën tantiamiac chuca uadec acten mentoadabicquid yec Nuquin Papan namiacno puduedtiapimbo iquendac.

Uanën dada uaid 3:3

Adsho tantiashumbien Esusën naden chuipanëdash: Tantia. Mibi chuinu. Chuca uabi icquid yec Nuquin Papan namiacno mibi tabadtiapimbo iquendac.

Uanën dada uaid 1:51

Tantia, mibi abimbo chuinu. Mibitedishun abu yacno bëcaduadacsho isendac. Adembidi auëshquio ubi Matsesën Tishaid cun dadan ictanec Nuquin Papabëd icquido bud budashic dectatonesho mimbi isendac, quepondash Esus abëd icquido chiec.

Ducas 23:43

Adoaquien: Abimbo chuinu. Tantia. Nëid uëshëmbi abuc ubi bëdambuec tabadacno ubëdi mibi iquendac, quepanëdash Esus abëta dectambued abentsëc chiec.

Ducas 18:29

Adoaquien: Abimbo mimbi chioque. Tantia. Chuinu. Nuquin Papan namiacno matses tabadte iquec, quequin chuibannuen aton shubu nianquinc aton chidobëta aton bacuëbo nianquinc aton utsibo nianquinc aton papabëta aton tita nianquinc cain nianacsho

Ducas 18:17

Adombuembidi: Abimbo chiembique. Tantia. Nuquin Papan namiacno tabadte iquec, quequin chiac nëid bacuën badedquio tantiacbimbuen tantiaquid yec Nuquin Papan namiacno puduedtequid iquendac. Aden tantiesa ambo puduedtiapimbo iquendac, quepanëdash Esus.

Ducas 13:35

Adsho issun Nuquin Papan mibitedi nianquiendac. Adoac Nuquin Papa tabadte shubun matses nibëdquio iquendac. Ubi nidacsho mibitedishun ubi iuen isenquio iquendac. Adshumbic iuecshun mibitedishun: Ambi Chomiaid Nuquin Papan bëdambuen isaidquio bëdambo iquec, quequin ubi tantiec tabadnuc padpidec chouaindabi, quepanëdash Esus.

Ducas 12:37

Aden ushenquio icquin abi cainsho istuidshun aton icbon bëdambo icmequin nadoposh: Umbimbo mibi pemenu. Nëmbo tabadec cho, queshun ambi iuaido pemequin bëdambo icmendac.

Ducas 11:51

Tsusedpan abia Abed cuëmëdquid cuessunniampid icnubi tsiuecquio Sacadias cuessunnepampic. Aidi Nuquin Papa tabadte shubu dapa yacnocquid Nuquin Papa ismequin nëish iua pichicate dayunshunquiobi aidon cuessunnepampic. Aden ënden nampidbëta nëbi mimbi icsambuen naid tantiaquin mibitedi cuidendac.

Madcos 14:30

Adshobien Esusën. Tantia. Mibi chuinu. Nëid inchëshëmbi cachina daëdec cuëdabicnuc: Umbi isacmaidquio aidi nec, quequin mimbi 3teden chiendac, capanëdash.

Madcos 14:25

Abimbo chiembique. Tantia. Uba chinaid nidaidënshun padpiden aquenquio icquin Nuquin Papan namiacnoshon actequid chuca aquendambi, quepanëdash Esus.

Madcos 14:18

Adec chochoash pec tabadequien: Abimbo chiembique. Tantia. Ubëtan pequid abentsëcshun ubi chieshënquin ubi chieshënquido ubi bedmendac, quepanëdash Esus.

Madcos 14:9

Abimbo chiembique. Tantia. Nidaid utsi utsiec yacno Nuquin Papan Chiaid Bëda chuibenniacnoshombi nëid chidon ubi machiuinquin nabued tantiaquin chuibanendac. Adoac aidën naid tantiendac, quepanëdash Esus abëd icquido chiec.

Madcos 12:43

Aden aton piucquid sandosho issun abëd icquido chomeshun naden Esusën chuipanëdash: Abimbo chuinu. Tantia. Nianten: Cun piucquid nibëdec, quenquio icquin Nuquin Papa tantiaquioquin sandoquidquio nec, aden utsibon sandoenquio icnubi.

Madcos 11:23

Aden tantiaquin: ¿Umbi chiacpadombuenda napatsiashba? quenquiocquin abi chuisho mimbi chiacpadombuen natsiash. Adoac mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuaindac.

Madcos 10:29

Adoaquien Esusën: Tantia. Mibitedi chuinu. Esusbëd icnu, queshun: Nuquin Papan namiacno tabadte iquec, quequin chuibannu, quequidën aton shubu nianquinc aton utsibo nianquinc aton chibi chedo nianquinc aton papabëta aton tita nianquinc aton bacuëbo nianquinc aton tied nianquinc cashobi

Madcos 10:15

Abimbo chiembique. Tantia. Nëid bacuën amë badedquio tantiacpadombuen Nuquin Papan Chiaid tantiesa yec Nuquin Papan namiacno puduedtiapimbo iquendac, quepanëdash Esus.

Madcos 9:41

Abimbo chiembique. Tantia. Esuquidistu tantiaquid nec, quequin mibitedi acte acmequin nashunquid Nuquin Papan bëdamboshëcquid menetequid iquendac, quepanëdash Esus.

Madcos 9:1

Aden chiashic Esus: Nëmbo tabadquid ubi tantiaquid utsi utsiec uënësabi yec nidaidën abi tabadsho Nuquin Papa nadatiambocquidën ambi namiaid choquin ismendac, quepanëdash.

Madcos 8:12

Adsho tantiash uënësquio yec uëshquetanec: ¿Atotsi queshun nëid matsesën: Nuquin Papan Chomiaid icquin nadatiambocquin nabanquin ubi isme, capec? Aden chiaqui: Mibi nadatiambocquin naquin ismenquio iquembi, capanëdash Esusën.

Madcos 6:11

Mibi iuedenquio icquin mimbi chuibansho tantiate bunenquiocsho isash nidanneta. Adec nidnumbi: Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Madcos 3:28

Tantia. Abimbo chuinu. Matsesën icsambuen naidtedi tantienquio yec Nuquin Papa bëshunendac. Adecbidi Nuquin Papa icsambuen chuishumbuedëmbi: Ubi bëdambuen ista, Papa, quesho tantiashun aidën icsambuen naid tantienquio yec Nuquin Papa bëshunendac.

Mateo 25:45

Adoac naden chiendambi: Atona nibëdquido nashunenquio icquin ubibi nashunenquio yacbimbuen umbi chiacpadombuen naisabo mibitedi neque. Nuquin Papan icsaido cuidacno nid, caindambi.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Mateo 25:12

caquien chido bedquidën: Padi. Umbi isacmaidombo mibitedi nec, caposh.

Mateo 24:47

Umbi namiaid utsibon chuiquid icta. Adquid icquin cunatedi dayun uaquin isquid icta, quequin icbon chiendac.

Mateo 24:2

Adsho tantiashumbien Esusën: Abimbo chuinu. Tantia. Mimbi isaidquio cuënote bëdambuen nacnenaid matses utsibon nibëdquio icnuc chic chiquendac, capondash.

Mateo 23:36

Aden aid cuessunnequido cuidacbimbuen nëbimbobi mibitedi cumapenquien cuidendac, capondash Esusën abi chieshënquido chuiquin.

Mateo 21:31

¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.

Mateo 21:21

Adoaquien Esusën: Tantia. Mibitedi chuinu. Adembidi mimbi natsiac. Nuquin Papan umbi chiaid nainquien icchitec, quenquio icquin: Nuquin Papa nadatiambocquin nabanquidquio nec, quequin tantiaquin Abi chiannesho Aidëmbi mimbi: Natiapimbo ictequid nec, caidi mibi nametsiash. Adoac umbi cute icueda uënës uabocpadombuembidi tantiaquin mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuatsiash.

Mateo 19:28

Adoaquien Esusën: Tantia. Mibi abimbo chuinu. Nuquin Papan ambi uaid abitedi chuca uacnouëshquio Matsesën Tishaid yequi chuiquid tapan tsadte dapa bëdamboshëcquidën tsadquin umbi abitedi namiacnouëshquio ubëd icquido icsho issun Nuquin Papan mibitedi matses namequid icmendac. Abuc tsadte dapa 12ted icquidën tsadquin mibitedishun namendac. Nuquin tsusedpa Acobon mado 12tedi icpampic. Aidtedshun tsiuecquidon tsiuecquidonquien isadaidbo chuiquid tapabo 12tedquiobidi mibitedi iquendac.

Mateo 19:23

Adsho issun Esusën abëd icquido naden chuipondash: Tantia. Abimbo chuinu. Atona dadpen dayun uaquid atonauidtsëqui tantiec Nuquin Papan namiacno puduedtiapimbo iquendac.

Mateo 18:18

Aden nidaidënshun ubi tantiaquidon bëdambuen nate mibitedishun chiendac. Adembidi ubi tantiaquidon natemaidtsen mimbi chiendac, quepondash Esus. Aden mimbi chiacpaden Nuquin Papan chiendac.

Mateo 18:3

Tantia. Mibitedi abimbo chuinu. Mimbi tantiacpadenuidi naic tabadbuedi nadquid bacuën amën chiacpadombuen nacbimbuen ubi tantiaquiota. Mimbi adoenquio icshoembi Nuquin Papan namiacno mibi puduedmenquio iquendac.

Mateo 11:11

Acten mentoanquid Uampadquid matsesën tishaid utsi nibëdec. Adquid icnuc chuiquidpenquio icbuedëmbi: Nuquin Papan namiacno tabadte iquec, quequin chuibansho tantiabenquid Uan uditsëc bëdambocquid iquendac.

Mateo 10:42

Adembidi ubi tantiaquid acte bundoacsho acte acmequin nashunsho Nuquin Papan bëdambuen isquin bëdamboshëcquid menetequid iquendac, quequin Esusën chuipondash.

Mateo 10:15

Mimbi adosho issun abitedimbo cuidte uëshëmbi Nuquin Papan aido cumapenquien cuidendac. Ëndenquimbo shubu dadpen icquid Sodoma yacnocquidobëta Comoda yacnocquidotedi cuidquin Nuquin Papan uesquin uënës uapampic. Aid daëd yacnocquido bëdiactsëc cuidshun mimbi chuibansho tantienquio icquidoen cumapenquien cuidendac, quepondash Esus abëd icquido chiec.

Mateo 8:10

Adsho tantiashun Esusën abi tsibambëquido naden chuipanëdash: Bëdambuen tantiaquin nëidën chuipec. Nëidën: Chuiquinuidtsëqui cun iua bëdanmetsiash, quequin ubi bëdambuen tantiaquid nec. Aidpadquid isadaidbo nibëdec.

Mateo 6:16

Adshumbic buna mëmunte Esusën naden chuipanëdash: Tantia. Nuquin Papauidtsëqui tantianu, quequin buna mëmunquid chuinu. Muaquidën nacbimbuen ismenda. Muaquido: Buna mëmunquid nec, aton matses camenuec manimanictsëcquio yec nënquidbitsëcquiec mamënenquio iquec. Adec buna mëmunquid tanec muaic. Adsho issun matsesën bëdambocquid dannubi Nuquin Papan: Icsambo icquid nec, queshun bëdamboshëcquid menetiapimbo iquendac.

Ducas 4:24

Tantia. Abimbo chuinu. Nuquin Papan oncamiaidën abi caniacnoshon chuibansho aton matsesëmbi tantiashunenquio iquendac, quequin chuipampic, quepanëdash Esus.