Mateo 5:1 - El Nuevo Testamento en matsés

¹ Matses dadpenshun tsibananacsho isash macuësh tapa pudundoec poctsebi Esus tsadtuidpanëdash. Asho isash abëd icquido Esusën dayunquio tabadpanëdash.

Mateo 5:1 Referans Kwoze

Madcos 3:13

Adshumbic macuësh tapa dectatoec nidnun abi tsibanquido utsi utsien chuipanëdash. Aden chiac chochoacsho issun

Mateo 15:29

Adanec auëshquiobi nidec chian dapa Cadidea cuëman nidquid podquiedën nidannepondabi. Adashic macuësh tapa pudundoec poctsebi Esus tsadtuidpondash.

Madcos 4:1

Adashic padpidec chian cuëman nidshun Esusën dadpen chuibanuapanëdash. Aden chuibansho matses dadpen abi tantiec chochosho isash Esus cano antsadtopanëdash, chochoquido acte cuëman tabadnubi.

Madcos 3:20

Aden chianec nidequi abëd icquidobëd Esus shubun puduedpanëdash. Shubun puduednubi matses dadpen chochoash tsucus tsucustsëcquio yec tabadsho issun Esusën abëd icquidobëtambi petiapimbo icpanëdash.

Mateo 4:25

Adosho isquidon chiac isec chochoash matses dadpenquio niquianquin nëidtedi yacnouësh chochoquidon Esus tsibanampanëdash. Nëidic nidaid Cadidea yacnouësh choquidon. Nëidic nidaid Decapodis cacnouësh choquidon. Nëidic shubu dadpen icquid Edusaden yacnouësh choquidon. Nëidic nidaid Udea yacnouësh choquidon. Nëidic acte Odan ëquëmatsiucuësh choquidon. Aidted yacnouësh choquidon Esus tsibanampanëdash.

Mateo 13:2

Tabadtuidsho isash matses dadpenquio chochoash tsucus tsucustsëcquio yec Esus datsidadpondash. Adsho istanec cano dapa antsadtopondash, chochoquido chian cuëman tabadnubi.

Mateo 5:2

Adshobien Esusën Nuquin Papan matses bëdambuen ismete chuibanquin bedampanëdash.

Ducas 6:12

Adashic uëshë utsin macuësh yacno matses nibëdacno Nuquin Papa chiec nidshun inchëshën ushenquio icquin Esusën Nuquin Papa chuipanëdash.

Ducas 6:17

Adashic macuësh yacnouësh abëd 12ted icquidobëd Esus nidaid pada padambo yacno budpanëdash. Adshun isaquien abi tsibanquidobëd utsibo dadpen tabadsho isash Esus nidtuidpanëdash. Aido nëidtedi yacnouësh chochoquido icpanëdash. Nëidic nidaid cuëshë Udea yacnocquido. Nëidic shubu dadpen icquid Edusaden yacnocquido. Nëidic acte dapa cuëman shubu dadpen icquid Tido caidbëd Sidon yacnocquido.

Ducas 6:20

Adshumbic abëd icquidombo isbanquin naden Esusën chuibampanëdash: Mitsana nibëdquido icsho Nuquin Papan ambi namiacno tabadmenuen mibitedi bëdambo icmendac.

Ducas 9:28

Aden chiashic 7tedec ushash: Nuquin Papa chuitannu, quianec nidquin Petedo yec Uan yec Santiaco yec quenuc buanec macuësh tapa abucquiocquid yacno Esus nidpanëdash.

Uanën dada uaid 6:15

Adsho ambibi tantiashien Esus: Aton chuiquid tapa icmenuen ubi bedshun buannu, capec, quianec abentsëqui icnuec Esus macuësh tapa dectatoec niduapondash.