Mateo 4:25 - El Nuevo Testamento en matsés

²⁵ Adosho isquidon chiac isec chochoash matses dadpenquio niquianquin nëidtedi yacnouësh chochoquidon Esus tsibanampanëdash. Nëidic nidaid Cadidea yacnouësh choquidon. Nëidic nidaid Decapodis cacnouësh choquidon. Nëidic shubu dadpen icquid Edusaden yacnouësh choquidon. Nëidic nidaid Udea yacnouësh choquidon. Nëidic acte Odan ëquëmatsiucuësh choquidon. Aidted yacnouësh choquidon Esus tsibanampanëdash.

Mateo 4:25 Referans Kwoze

Ducas 6:17

Adashic macuësh yacnouësh abëd 12ted icquidobëd Esus nidaid pada padambo yacno budpanëdash. Adshun isaquien abi tsibanquidobëd utsibo dadpen tabadsho isash Esus nidtuidpanëdash. Aido nëidtedi yacnouësh chochoquido icpanëdash. Nëidic nidaid cuëshë Udea yacnocquido. Nëidic shubu dadpen icquid Edusaden yacnocquido. Nëidic acte dapa cuëman shubu dadpen icquid Tido caidbëd Sidon yacnocquido.

Madcos 5:20

Aden chiac nidshun nidaid cuëshë Decapodisën icquid shubu dadpen icquid yacno yacnombuec puduedcuennequin abi Esusën bëdanmebued chuibennepanëdash. Aden chuisho tantiaquidtedi: Adopenshenda Esusën bëdanmiash, quec tantiadempambo iccuededpanëdash.

Madcos 7:31

Adashic shubu dadpen icquid Tido caid yacnouësh padpidec puduanec nidequi shubu dadpen icquid Sidon caid datambidanec chian Cadidea caid yacno chouapanëdash Esus. Aid chian ëquëmatsiuc icquid nidaid cuëshë Decapodis caid yacno chopanëdash.

Ducas 6:19

Adosho issun: Nadatiambocquid Esus neque. Mishe bëdantsiabi, queshun mishequi abitedi bëdancuededpanëdash.

Madcos 6:2

Ambo nidshumbic chonoadtemaid uëshën Nuquin Papan Chiaid chuibante shubun puduedshun Nuquin Papan Chiaid chuibanquin tauapanëdash Esusën. Aden chuibansho tantiashien tantiadempambo yec tabadec: ¿Mitsi padombuen dadpen tantiabempash nepeba? ¿Tsuntsin bëdambuen tantiamepashba? ¿Mitsipadquiec nadatiambo icquin nabanquin bëdanmianquid yampashba? quecuededpanëdash.

Mateo 19:2

Adec nidshobien matses dadpenshun tsibanampondash. Abi tsibananquido utsi utsiec nënquidobëd daicsaido icsho issun Esusën bëdanmebampondash.

Mateo 12:15

Adnubien Esus: Ubi cuessunnemete bunec, quequin tantianec auëshquiobi puduanec nidpondash. Nidsho issumbien matses dadpenshun tsibanampondash. Adshumbic aidon bëbëaid daicsaidobëta nënquidotedi bëdanmebampondash.

Mateo 8:1

Ambobi macuësh poctse tsadquin ënquin chuibantanequien Esus macuësh budpanëdash. Adec budanec nidsho issun matses dadpenshun tsibanampanëdash.

Mateo 5:1

Matses dadpenshun tsibananacsho isash macuësh tapa pudundoec poctsebi Esus tsadtuidpanëdash. Asho isash abëd icquido Esusën dayunquio tabadpanëdash.

Mateo 4:15

Nuquin Papa tantiamequidën chuisho nëidtedishun tantiendac. Nëidic nidaid utsi Netadi caidën tabadquidon. Nëidic nidaid utsi Sabudon caidën tabadquidon. Nëidic acte dapambo mad caid cuëman tabadquidon. Nëidic acte Odan caid cuëman tabadquidon. Nëidic isadaidpembo dadpen tabadaid nidaid Cadidea caidën tabadquidon.