Mateo 4:21 - El Nuevo Testamento en matsés

²¹ Udictsëc nidquin isaquien dada daëd cano antabëdpec. Aidi Santiacobëd aton utsi Uan nepanëdash. Aton papa Sebedeo caidbëdi cano antabëdquin nuëcquid bednun aton nëshaid tapa nacnempanëdash. Adosho istuidshumbien Esusën: Nuquibi icnu. Cho, caquien

Mateo 4:21 Referans Kwoze

Madcos 3:17

Nëidic Sebedeon mado Santiacobëd Uan. Aid daëdi: Abu cuëdquidën mado nec, quequin Buanedquis, quequin cuëmpanëdash.

Mateo 10:2

Nëidtedi ambi: Ubi chuibenneta, caido icpondash. Nëidic Simon cashumbic Petedo cuënaid. Nëidic aton utsi Andedes. Nëidic Sebedeon mado Santiacobëd Uan.

Hechos 12:2

Aden quënën tsadunmeshun Santiaco chështen seshunnemepanëdash. Aidi Esusbëd iccondaid Uanën utsimbo nepanëdash.

Uanën dada uaid 21:2

Esus uincuenash isadbon cun nidaid Cadidea caid yacno nidannepondabi. Nidanniash nëidtedi tabadpondabi. Nëidic Simon Petedo. Nëidic Tomas anin abi uëshëmbi daëd tishaid. Nëidic shubu dadpen icquid Cana yacnocquid Natanaed. Nëidic Sebedeon mado ubëta tishaid cun utsi Santiaco. Nëidic ubi. Nëidic Esusbëd icbued utsi daëd. Aidted icpondabi.

Madcos 5:37

Aden Aido cuëmëdquid chuitanquimbi Esusën: Chochoenda, capanëdash abi tsibanquido chuiquin. Adotanec Petedo yec Santiaco yec Santiacon utsi Uan yec quenuc buanec Esus nidpanëdash.

Mateo 26:37

Adashic Petedobëta Sebedeon mado daëd Uambëta Santiaco buanec nidequi natiaquiec uënësquioshë yampanëdash.

Mateo 17:1

Aden chiashic 5tedec ushanec nidquimbi Esusën abëd icquido nëidted buampondash. Petedo yec Santiaco yec aidën utsi Uan yec quenuc buanash macuësh tapa abucquiocquid yacno dectatoash mannanënquio tabadtuidpanëdash.

Mateo 4:20

Adoaquien aton nëshaid nianec nidquin Esus tsibanampanëdash.

Mateo 4:22

aton papabëta cano dapa nianec nidquin Esus tsibanampanëdash.