Mateo 4:14 - El Nuevo Testamento en matsés

¹⁴ Ëndenquimbo Nuquin Papan oncamiaid Isayasën chuiquin dada uampicpadquiec ambo Esus icpanëdash. Aid chuiquin Isayasën naden dada uapampic:

Mateo 4:14 Referans Kwoze

Mateo 2:23

Adec nidec shubu dadpen icquid Nasaded yacno choash ambobi tabadpanëdash. Nasaded yacnocquid Nuquin Papan Chomiaid nendac, quequin Nuquin Papan oncamiaidon chuiquin dada uampicpadec ambo tabadequi Esus canipanëdash.

Ducas 24:44

Aden petanec: Mibëd icquimbi naden chuibanombi: Nuquin Papan umbi nate chuiquin Moises dada uamiampicpadombuen naquinc Nuquin Papan ambi oncamiaido dada uamiampicpadombuen naquinc Cuëdënte dada uampicpadombuen naquinc caquin Nuquin Papan chiampictedi nabanembi, quequin chuibanombi, quepanëdash abëd icquido tantiamenuen chiec.

Ducas 22:37

Nuquin Papan ubi nate chuiquin dada uamiampid nad iqueque. Tantia. Chuinu: Icsambocquid danquin icsambocquidbëta uënës uaindac, quepampic. Aden chuiquin dada uamiampicpadombuen nëbimbobi nainquin ubi uënës uamendac, quepanëdash Esus.

Mateo 2:15

Adec nidash ambobi tabadpanëdash. Isadaidbon chuiquid tapa Edodes uënësabi icnuc ambo tabadpanëdash. Esus tishabi icnubi ëndenquimboshë Nuquin Papan tantiamiac ambi oncamiaidën Esus Equipito yacno buante naden chuiquin dada uapampic: Equipito yacno nidash tabadsho: Auëshquio cho, Mado, caindambi, quiosh Nuquin Papa, quequin dada uapampic.

Uanën dada uaid 19:28

Aden chuitanec uënësnushi Esus: Cun Pan chiacpadombuen nainombi. Matses tantiec ubided cuidadec uënësebi, quequin tantiec cun tsusedpan dada uaquin chiampicpadec: Acte bundobi, quepondash Esus.

Uanën dada uaid 15:25

Aden ubi chieshënte chuiquin nuquin tsusedpa Nuquin Papan naden dada uamiampid iquec: Ambembi matsesën ubi chieshënec, quequin chiampicpadombuen ubi chieshënec, quepondash Esus.

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Mateo 26:54

Nuquin Papan aden ubi cudasmiac bedtiapimbo icsho ¿Mitsi paden Nuquin Papan Chiaid chuiquin dada uamiampicpadombuen ubi aden bedpatsiash? capondash pateshunnianquid chuiquin.

Mateo 8:17

Daicsaidobëta nënquido bëdanmendac, quequin ëndenquimboshë Nuquin Papan Esusën nate chuiquin ambi oncamiaid Isayas dada uamepampicpadombuen napanëdash Esusën. Naden chuipampic: Nuqui daicsaidbëta nuqui nënaid bedshunquin bëdanmendac, quequin chuipampic Isayasën.

Mateo 1:22

Aden Nuquin Papabëd icquidën Esus tishte chiaid Nuquin Papan ambi oncamiaid Isayas naden chuiquin dada uamepampic:

Mateo 4:13

Nidashic shubu dadpen icquid Nasaded yacno tabadanec nidequi chian dapa cuëman shubu dadpen icquid Capednaun yacno nidash ambotsen tabaduapanëdash. Aid nidaid Netadi capampic. Aid anoentsëqui icquid nidaid utsi Sabudon capampic.

Mateo 4:15

Nuquin Papa tantiamequidën chuisho nëidtedishun tantiendac. Nëidic nidaid utsi Netadi caidën tabadquidon. Nëidic nidaid utsi Sabudon caidën tabadquidon. Nëidic acte dapambo mad caid cuëman tabadquidon. Nëidic acte Odan caid cuëman tabadquidon. Nëidic isadaidpembo dadpen tabadaid nidaid Cadidea caidën tabadquidon.