Mateo 4:13 - El Nuevo Testamento en matsés

¹³ Nidashic shubu dadpen icquid Nasaded yacno tabadanec nidequi chian dapa cuëman shubu dadpen icquid Capednaun yacno nidash ambotsen tabaduapanëdash. Aid nidaid Netadi capampic. Aid anoentsëqui icquid nidaid utsi Sabudon capampic.

Mateo 4:13 Referans Kwoze

Uanën dada uaid 4:46

Adec aton nidaid yacno nidequi ambi tauambuen actembobi uba ënë actequid yanmiondacno shubu dadpen icquid Cana caid yacno Esus nidpondash. Adnubien shubu dadpen icquid utsi Capednaun caid yacno chuiquid tapan chuiquid icmiaid icpanëdash. Aidën mado nënquid icpanëdash.

Madcos 1:21

Adashic shubu dadpen icquid Capednaun caid yacno abëd icquidobëd nidpanëdash. Nidash chonoadtemaid uëshën Nuquin Papan Chiaid chuibante shubun puduedshun iccuededquido tantiamequin Nuquin Papan Chiaid Esusën chuibampanëdash.

Mateo 11:23

Adembidi nëmbo icquido Capednaun yacnocquidotedi chiec: Nuquin Papa yacno tabadtequido nebi ¿quecta mibitedi ique? Tantia. Chuinu. Ma mibitedi Nuquin Papan chian annëdënquiacno nësecatequidombo nepayoc. Ëndenquimboshë shubu dadpen icquid Sodoma yacnocquido cuidquin Nuquin Papan nibëdanmepampic. Umbi nadatiambocquin nabanquin mibitedi ismebocpadombuen ismiac aidon ambi icsambuen naid ëntsempampic. Aden abi icsaid ënsho Nuquin Papan aido cuidenquio icac nëbi aton matses abi ictsiash.

Uanën dada uaid 6:59

Aden Esusën Nuquin Papan Chiaid chuibante shubu yacnoshon shubu dadpen icquid Capednaun caid yacnoshon chuibampondash.

Uanën dada uaid 6:24

Abëd icquidobëd Esus nibëdsho isash: Potequimbien Esusën icashe. Nëid canombi antabëdtoshon poteshun Esus nibënnu nid, quianec Capednaun yacno nidpanëdash.

Uanën dada uaid 6:17

Capednaun yacno nidnu, quec cano antabëdtoanec nidquin potenubi inchëshquio yampondash Esus choambo icnubi.

Uanën dada uaid 2:12

Aden actembobi uba ënë paë uaid uash nidec shubu dadpen icquid Capednaun caid yacno Esusbëd nidec aton tita yec aton utsibo yec abëd icquido yec quec nidannepondash. Ambo daëdpactsëc ushec tabadpondash.

Mateo 17:24

Aden chianec nidequi shubu dadpen icquid Capednaun yacno Esus chopondash. Adnubien Nuquin Papa tabadte shubu dapa nacnenmenu, quequin piucquid bedquidon Petedo chuituidpanëdash: Nuquin Papa tabadte shubu dapa nacnenmenuen ¿ada min icbon piucquid menepatsiash? caquien

Ducas 4:23

Adoaquien: Bëdanmequid iquec abibi daicsambo yanash bëdanmiadacsho isash: Bëdanmequidquio nec, quequin chiampid mibitedishun tantiapec. Umbi Capednaun yacnoshon nabambued tantiashun: Nëshunquiotsen adombuembidi nabantsiash, ¿quequinda mibitedishun tantie?

Mateo 4:14

Ëndenquimbo Nuquin Papan oncamiaid Isayasën chuiquin dada uampicpadquiec ambo Esus icpanëdash. Aid chuiquin Isayasën naden dada uapampic:

Mateo 4:15

Nuquin Papa tantiamequidën chuisho nëidtedishun tantiendac. Nëidic nidaid utsi Netadi caidën tabadquidon. Nëidic nidaid utsi Sabudon caidën tabadquidon. Nëidic acte dapambo mad caid cuëman tabadquidon. Nëidic acte Odan caid cuëman tabadquidon. Nëidic isadaidpembo dadpen tabadaid nidaid Cadidea caidën tabadquidon.

Mateo 9:1

Aden chanchu nëuebudniacnoshon: Nidec nid, cac nidannec chian budash cano antabëdtoshon chian potiash abi iccondacnobidi Capednaun yacno Esus chopanëdash.

Madcos 2:1

Adashic iuepactsëc yash padpidec Capednaun yacno niduash Esus shubun puduedpanëdash. Adnubien: Esus chosh, quesho tantiash

Ducas 10:15

Adembidi nëmbo icquido Capednaun yacnocquido: Nuquin Papa yacno tabadtequido nebi ¿quequinda mibitedishun tantie? Padenquio. Umbi nadatiambocquin nabansho issumbi tantiesa icsho Nuquin Papan cuidquin chian annëdënquiacno mibitedi nësecaindac, quepanëdash Esus.