Mateo 3:13 - El Nuevo Testamento en matsés

¹³ Adec acten mentoanquid icquin acte Odan caidën matses mentobampanëdash Uanën. Adnubien Esus: Ma ubitsen Uanën acten mentono, quianec nidaid Cadidea yacnouësh choash: Ubitsen mento, quetuidpanëdash.

Mateo 3:13 Referans Kwoze

Mateo 2:22

Aton nidaidën nidshun aton matses: Udea yacnocquido Edodes padon mado Adquedayo cuëmëdquid chuiquid tapa icsambocquidbidi nec, quesho tantiashien Ose dacuëdtampanëdash. Adshobien Nuquin Papan Ose ushquin ismequin naden chuipanëdash: Cuessunnenushe. Min nidaid Udea caidën nidenda, quequin ushquin ismiac isucunanec aid nidaid Isadaid caidëmbidi nidec aid nidaid cuëshë utsi Cadidea caidën nidpanëdash.

Mateo 3:6

Adec chochoash tabadquin Uanën chuisho tantiash: Aden icsambuen naombique. Umbi icsambuen naid ënnu, quequin chuisho tantiashun Uanën acte Odan caidën mentobampanëdash.

Mateo 3:14

Adshobien Uanën: Padi. Nuquin Papan Chomiaid icquin mimbi ubi nac bëdambo ictsiash. ¿Atotsi queshun ubi aden chie? queshobien:

Uanën dada uaid 1:31

Aid choacsho cun matses isadaidbo tantiamenuen Nuquin Papan acten mentobanquid icmiondashi. Adondaid icquimbi: Nuquin Papan Chomiaid nec, quequin badedquio tantienquio iccondambi, quepondash Uan.