Mateo 3:10 - El Nuevo Testamento en matsés

¹⁰ Aden chiashic: Cute bacuëesa icsho dëdshun cuidi mëteshun tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan padiseobobëta saduseobo chiec.

Mateo 3:10 Referans Kwoze

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Ducas 3:9

Aden chiashic: Cute bacuëesa icsho dëdshun cuidi mëtequin tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan.

Mateo 7:19

Chetemaidbimbuec muaquido bëdambo ictiapimbo iquec. Nuquin Papan Chiaid niac niaquec icsambuec tabadsho issun: Muaquid nec, quequin mibitedishun tantiendac. Adquidën chuisho tantienda. Aido cute bacuëesa icsho icbon dëdshun teteshun tsindoshon nëdëncacbimbuen Nuquin Papan ambi icsambuen naquido cuidacno nësecaindac, quepanëdash Esus.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Mateo 21:19

Adec bundoshon podquied cuëman nidquid cutempi icueda caid istuidash: ¿Ada bacuë iqueque? Chenun isbono, quepondash Esus. Adshun isac podouidquio yec bacuë nibëdsho issumbien Esusën: Adequi bacuëesa yec uënësta, capondash. Adoac bidiquec badedquio uënëspondash.

Ducas 23:31

Adec mibi mëyadtequid uëshë choendac. Aden tantiesa mibi icpec. Ubi cuidenquioctiadquidëmbi ubi icsaisa icshobi mëyanquioquin uënës uasho issun ¿Nuquin Papan cumapenquien cuidenquioda icpec? Ai, cuidec, quequin tantiata, quepanëdash Esus.

Ebedeo 12:25

Aden umbi chuisho tantiashun naden tantiata. Nuquin Papan chiacpadombuen nainquio icmane, queshun aidën chuisho tantiata. Ënden Nuquin Papan: Umbi chuisho tantiata, cac matsesën abi chieshënquin ambi chiacpadombuen nainquiocsho cuentiapimbocnoc Nuquin Papan cuidpampic. Adembidi nëbi abi yacno abucshun chuimesho tantiashumbi ambi chiacpadombuen nainquiocsho Nuquin Papan cumapenen cuiduaindac.