Mateo 28:9 - El Nuevo Testamento en matsés

⁹ Titinquianec nidanneshobien Esusënquiotsen bëquedpanëdash. Adshun: Mibi isnuec nebi, capanëdash. Adshobien chidobon: Cun Icbo mibi nec, quequin ismequin dannëshën sebudshun tadayumpanëdash.

Mateo 28:9 Referans Kwoze

Mateo 28:17

Macuësh tapa yacno nidquimbi Esus istuidpondambi. Istuidshumbic: Cun Icbombo neque. Ismenu, queshun dannëshën sebudpondambi. Utsibombien: ¿Cun Icbombobida nepeba? capondash.

Mateo 14:33

Adsho issun cano antabëdquidon dannëshën sebudshun ismequin: Mibi bëdamboshë iquec. Ma Nuquin Papan Madombo mibi nepayoc, quequin ubitedishun Esus chuibededpondac.

Uanën dada uaid 20:28

mishenquio yec badedi: Ai, Nuquin Papapadquidquiobidi yec Cun Icbombo ma mibi neyoc, quepondash Tomas.

Ducas 24:52

Aden indosho isash: Cun Icbo bëdamboshë iquec, quequin tantiec tabadtanec: Bëdambo iquebi, quianec cuishonquequiec Edusaden yacnobidi chochopanëdash.

Uanën dada uaid 12:3

Adnubien aton chibi Madian: Esus bëdamboshëcquid neque. Ismenu, quequin tantiaquin ambi piucquid dadpenquio menequin bedaid sedunten cushtoaid naddo caid danoshquete bëdambo nuadquidën Esus tanoshcapondash. Adotanquin aton manëdaidëmbi Madian taucpondash. Aden tanoshcaid shubu anuesquiec natiambo nuadpondash.

Ducas 7:38

Aden bëec choash puduedshun Esus istuidash: Nëid bëdambocquid nec, quequin ambibi tantiec shubiec Esusën taëno tsadbudshun aton bëunën tapascaquin tachucu uapanëdash. Aden tachucu uatanquin aton manëdaidën taucshun tachoccatanquin danoshquete bëdambo noadquidën chidon tanoshcapanëdash.

Esusën Uan ismiaid 3:9

Tantia. Mibi yacnoshon Mayan Icsa Satanasën tantiamiac: Isadaidbo nebi, quequin mibi mua uaquido yec Mayan Icsa Satanasën iuabo nendac. Umbimbo namiac mibi yacno chochosho mimbi chuibanendac. Adoac dannëshën tinquebudshun mibi chuiquin: Esusën tantiaidombo mibi nec, caindac.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Uanën dada uaid 20:19

Madian aden chuibued dominco uëshë inchëshbudtsëqui shubu nuntan Esusbëd icbuedobëdi tabadpondabi. Cun matses isadaidbon chuiquido dacuëdënquin umanucuësh utsi puduedtiapimbo icnuc bëdambuen bëtashash tabadnubien shëcuënuësh puduedenquio icbuedi nënantanuëshquio Esus isadcuempondash. Adtanequien: Dacuëdenda, quepondash.

Ducas 1:28

Adnubien Nuquin Papabëd icquid Cabadied ambo choshon: Mibi tantiaquin Nuquin Papan bëdambo icmiaidquio mibi nec. Nuquin Icbo mibëd iquec, capanëdash Cabadiedën Madia chuiquin.

Mateo 23:7

Nuquin Papan Chiaid tantiamequid yec mibi bëdambo iquec, quequin mabi Dabi canu, quiash matses dadpen yacno piucquid bedquin atona menebanacno nidtednepec.

Mateo 28:8

chidobo auëshquiobi dacuëdbuedi cuishonquec titinquianec Esusbëd icquido chiec nidannepanëdash.

Mateo 28:10

Adoaquien Esusën: Dacuëdenda. Cun utsibo ubëd icquido naden chiec nid: Nidaid Cadidea yacno nidannec nid. Amboshon mimbi ubi isendac, quiosh, quequin chiec nid, caquien Madian chido utsibobëd choquin chuituidpanëdash.