Mateo 28:10 - El Nuevo Testamento en matsés

¹⁰ Adoaquien Esusën: Dacuëdenda. Cun utsibo ubëd icquido naden chiec nid: Nidaid Cadidea yacno nidannec nid. Amboshon mimbi ubi isendac, quiosh, quequin chiec nid, caquien Madian chido utsibobëd choquin chuituidpanëdash.

Mateo 28:10 Referans Kwoze

Doma 8:29

Ëndenquimboshë Nuquin Papa aido tantiec nadpampic: Nëido Cun Madobimbuecquid icmeshun aidon buchi bëyucquidbimbuecquid Cun Madombo icmendambi. Adshumbic aidën utsibobimbuecquid tsiuec dadpenquio icmendambi.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Mateo 28:7

Mimbi isbued Esusbëd icquido chiec nid. Badedquio nidshun naden chuita. Uënësbuedi uincuenash nidaid Cadidea yacno abia nidshun mibitedi cainec. Amboshon mimbi Esus isendac, quequin chiec nid. Aidted umbi chuitequid chiombi, caquien

Madcos 16:7

Abëd icquido naden chiec nid: Nidaid Cadidea yacno abia nidshun mibi cainec. Ashunquio mimbi Esus isendac, quequin Esusbëd icquid utsibobëta Petedo chuituidec nid, quepanëdash chidobo chiec.

Mateo 28:5

Adnubien Nuquin Papabëd icquidën chidobo naden chuipanëdash: Dacuëdenda. Cueste napotiaidën dectanquin uënës uamebued Esus isnuec nec, quequin mibitedi tantiembi.

Mateo 14:27

Adnubien Esus: Ubi neque. Dacuëdenda, quepondash.

Uanën dada uaid 6:20

Adshobien: Ubi neque. Dacuëdenda, capondashi.

Mateo 25:45

Adoac naden chiendambi: Atona nibëdquido nashunenquio icquin ubibi nashunenquio yacbimbuen umbi chiacpadombuen naisabo mibitedi neque. Nuquin Papan icsaido cuidacno nid, caindambi.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Mateo 26:32

Aden uënësuac uincuenash nidaid Cadidea yacno ubia nidendabi. Ambo mibitsen ubëd icnuec tsiuec nidta, quepondash Esus ubitedi chiec.

Mateo 28:9

Titinquianec nidanneshobien Esusënquiotsen bëquedpanëdash. Adshun: Mibi isnuec nebi, capanëdash. Adshobien chidobon: Cun Icbo mibi nec, quequin ismequin dannëshën sebudshun tadayumpanëdash.

Mateo 28:16

Adnubini Esusbëd icquido 11tedtsëqui iquec Esusën chiacnombo nidaid Cadidea yacno nidec macuësh tapa yacno nidannepondabi.