Mateo 27:63 - El Nuevo Testamento en matsés

⁶³ Esus muaquidquio yec nadpadennec: Uënësash daëdec ushash uincuenendabi, quec muapadenneque.

Mateo 27:63 Referans Kwoze

Ducas 9:22

Aden chiashic: Matsesën Tishaid icshobi natiamequin nëidtedishun ubi mëyanmendac. Nëidic isadaidbo tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedshun mëyanmequin uënës uamiaqui daëdec ushash uincuenendabi, quepanëdash Esus.

Mateo 16:21

Adshumbic Esusën tauaquin abi uënës uamete abëd icquido naden chuipondash: Shubu dadpen icquid Edusaden yacno nidendabi. Amboshon nuquin matsesën ubi chieshënquiendac nëidtedshun. Nëidic nuquin matses tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedishun mëyanquioquin ubi uënës uamendac. Adoacsho chococac daëdec ushash uincuenendabi, quequin chuipondash.

Uanën dada uaid 2:19

aden ismenquio icquin Esusën naden chuipondash: Mimbi nëid shubu dapa uesquin chic chicacsho daëdec ushquin padpiden nacnenuaindambi, quepondash Esus.

Ducas 18:33

Adoshombic cueshcanten cacuestonequin mëyanshun cueste napotiaidën dectanquin uënës uaindac. Adoac daëdec ushash uincuenendac, quepanëdash Esus abëd icquido chiec.

Madcos 10:34

Adoac bedshun aidon oncain mamënshumbededquimbi bëpishtucabannetsëcquien cuesquin mëyantanquin buanshun ubi uënës uamendac. Aden uënës uaqui daëdec ushash uincuenendabi, quepanëdash Esus.

Madcos 8:31

Aden chuishumbic abi uënës uate tantiamequin abëd icquido Esusën tauaquin chuipanëdash. Matsesën Tishaid icshobi natiamequin nëidtedishun ubi mëyanmendac. Nëidic isadaidbon chuiquido tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedshun mëyanmequin uënës uamiaqui daëdec ushash uincuenendabi, quequin Esusën chuipanëdash.

Mateo 20:19

matses utsibo isadaidpembo ubi menendac. Aden meniac aidon mamënshunquin ubi cueshcanten cumapenen cacuesendac. Adshumbic ubi uënës uanuen cueste napotiaidën dectanendac. Aden uënës uaqui daëdec ushash uincuenendac, quequin Esusën abi uënës uate padpiden chuiuapondash.

Mateo 17:23

Adoac ubi uënës uamendac. Aden ubi uënës uamiacsho chococaquini daëdec ushash uincuenendac, quesho tantiatanequien abëd icquido uënësquio yanec shubiantiadtsëcquio yancuededpondabi.

Mateo 26:61

Nuquin Papa tabadte shubu dapa caic: Uesquin chic chictanquin padpiden nacnenquin daëdec ushquin nainendambi, ma Esus quepondac, quepanëdash.

Codinto 2 6:8

Utsin utsinquien ubitedi bëdambuen isquin bëdambuen chuinubi utsibon ubi icsambuen chuishunaqui bëdambo iquebi. Bëdambuen chiaqui: Muaquid nec, quenubi abimbo chuiquidquio nebi.

Uanën dada uaid 7:12

Aden cun matses isadaidbon chuiquidon nibënsho isash dacuëdec cun matses shoshoshquetsëcquiec nadec onquecuededpanëdash: Esus bëdamboshëcquid nec, quenubi utsi utsiec: Ma icsambo icquid neyoc. Nuquin Papan Chomiaid nebi, quequin cun matses muaquin chuiquid nec, quecuededpanëdash.

Ducas 23:2

Aden Pidato yacno Esus bëec choash nadpanëdash: Nëidën chuibambued tantiashun: Icsambuen namianquid nec, quequin tantiaquin mibi yacno bëombi. Adquid icquin chuiquid tapa Sesadën: Piucquid tsasicquidëmpi bec cho, cac: Menenda, quiosh. Aidbidi: Isadaidbon chuiquid tapa Quidistu nebi, quiosh, quepanëdash isadaidbon chuiquido Pidato chiec.

Uanën dada uaid 7:47

tantiashien padiseobo: Aidën muaquin chuisho tantiashun ¿mimbitsenda: Abimbo caic, cao?

Mateo 27:64

Daëdec ushquin min sondado Esus nauedaid cudasmeta. Abëd icbuedon chicshun buannushe. Aden buanashic: Uincuenaccosh, quec muanushe. Uënësabi yec abi: Nuquin Papan madombo nebi, quec muaic icsambo iccoshe. Adembidi: Uincuenaccosh, quequin mua uac icsamboshë ictsiashe. Min sondado: Cudasta, quequin chuita, capanëdash Esus chieshënquidon.

Mateo 28:6

Nëmbo nibëdec. Ambi chuibocpadequi uincuenash nidosh. Abi nambocno en isec cho, cac chidobon isac nibëdquio icpanëdash.

Madcos 9:31

Adec nidquin chuibanequi: Matsesën Tishaid icshobi ubi chieshënquidon ubi bedmendac. Aden bedshun meniac mëyanquin uënësuac daëdec ushash uincuenendabi, quepanëdash Esus.

Ducas 18:31

Adashic abëd icquido 12tedtsëqui uanno buanash: Edusaden yacno nëbi nuquitedi nidnu nid. Ambo nidacsho Nuquin Papan oncamiaidon dada uaquin chiampicpadombuen Matsesën Tishaid icsho bedshun mëyanmendac.