Mateo 27:42 - El Nuevo Testamento en matsés

⁴² Utsibo ismenuembien cumapenen tantiaquin nadatiambocquin matses bëdanmechitosh. Adquid yec budsho isnuqui. Isadaidbon chuiquid tapambo nebi, quequid yec mibibi uënësenquio yec bud. Adec budsho issun: Nuquin Papan Chomiaid yec Aidën Madombobi nec, catsiambi.

Mateo 27:42 Referans Kwoze

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Mateo 27:37

Adshumbic: Nadquid icsho cuidquin cuessunniac, quequin ma isquidon tantianu, queshun cueste pada uaidën naden chuiquin dada uapanëdash: Nëidquio Esus nec. Isadaidbon chuiquid tapambo nec, quequin dada uaid Esusën mapi abuctsëc dectampanëdash.

Hechos 4:14

Aden ambi bëdanmebuedbëdi tabadsho isash: Icsambuen mimbi naoc, quequin chuitiapimbo yec chuiquido tabadpanëdash.

Uanën dada uaid 12:47

Umbi aden chuisho tantienquio icquido nëbi cuidnu ¿quectabi icti? Padenquio. Nëbi Cun Pan bëdambuen isquin matses cuidenquio abëd tabadmete chuinu, quequini chondac.

Uanën dada uaid 12:13

niste podobiecquid tebëtsennec Esus bëquedec chochopondash. Adec chochoquin: Chuiquid tapa nec, quequin ismequin ambi tebëtsennebued uic uiccabededec: Osana. Nuquin Papan Chomiaid yec mibi bëdamboshëcquid nec. Cun matses isadaidbon chuiquid tapambo mibi nendac, cabededpondash Esus cain.

Uanën dada uaid 9:24

Adoac cun matses isadaidbon chuiquidon padpiden bëshuacbued chomeuashun naden chuiuapanëdash: Nuquin Papan isquin tantianubi abimbo chuita. Esusën bëdanmioshi ¿quecta icco? Esus Nuquin Papan Chiaid niacquid yec icsambocquid nec, quequin tantiembi, quepanëdash.

Ducas 19:38

Nuquin Papan abi yacnoshon Chomiaid chuiquid tapa Ambi bëdambo icmiaidquiobidi nec. Nuquin Papa yacno bëdambuec tabadec icsaisatedi iquendac, quec iccuededquido cumapenec cuëdcuededpanëdash.

Mateo 2:2

ambocquido naden chuituidpanëdash: Min matses isadaidbon chuiquid tapa ictequidquio nëbi tishtsaidëmpi ¿midambo ictseque? Isnu. Aid tishaid tantiamete uispa ubitedishun isombique. ¿Mitsimbo ictseque? Isnu. Aidi chuiquid tapa bëdamboshë ictequidquio nec, quiash aid isnuec chopobi, quetuidpanëdash uispa isquin tantiaquido.

Mateo 27:40

Nuquin Papa tabadte shubu dapa chic chictanquin daëdec ushquin nacnenuaquin nainendambi, quiondaid yec uënësenquio yec bud. Nuquin Papan madombo yec auëshquiobi mibibi bud, cabidannepanëdash.

Mateo 27:41

Adecbidi nëish iua cuessunneshun pichicaquidon chuiquido yec Moisesën chiampid tantiamequido yec isadaidbon chuiquid tsësiobo yec quequin Esus icsambuen chuishunquin mamënshunec nadpanëdash:

Madcos 15:31

Aden chuinubi adembidi nëish iua cuessunneshun pichicaquidon chuiquidobëtan Moisesën chiampid tantiamequidon naden chuipanëdash: Utsi utsien bëdanmequimbi utsi uënësacsho uincuenmebued yec abibi budtiapimbo iquec, quepanëdash Esus caic.

Madcos 15:32

Quidistu Nuquin Papan Chomiaid isadaidbon chuiquid tapa nebi, quebued yec mibibi bud. Adec budacsho issun: Quidistu nec. Mesias, quequin tantiendambi, quepanëdash. Aden aidon chuinubi abëta dectanaidon adembidi icsambuen chuishunuapanëdash.

Ducas 23:35

Adnubien matses dadpen isec tabadnubi isadaidbon chuiquido isec tabaduaquin icsambuen chuishunquin mamënshumbededec: Utsi utsien bëdanmequidquio yec abibi budsho isnu. Adsho issun Nuquin Papan Chomiaidquio Quidistu ambi tantiaidquio nec, catsiambi, quec onquecuededpanëdash.

Ducas 23:37

Isadaidbon chuiquid tapa nebi, quec: Uënësenquio iquebi, quiash en mibibi bud, capanëdash sondadon.