Mateo 27:4 - El Nuevo Testamento en matsés

⁴ Nidshumbic chuiquido naden chuituidpanëdash: Cuessunnemenuen bëdambocquidi mibi bedmec icsachitobi. Nëid mimbi menebued mibi menenuec chobi. Në bed, caquien chuiquidon: Padi. ¿Atotsieshun nai? Ma mimbi bedmepaboc, quepanëdash Udas caic.

Mateo 27:4 Referans Kwoze

Uan 1 3:12

Ëndenquimbo aton utsimbobi chieshënquid Cain icpampic. Aidpadquidpenquio icnuna. Mayan Icsa Satanasën tantiamiacpaden aton utsibi cuessunnepampic. ¿Atotsi queshun cuessunnepampic? Aton utsin bëdambuen nasho issun nëishtanquin icsambuen naquid icquin cuessunnepampic.

Petedo 1 1:19

Esuquidistu icsaisambo icshobi chieshënquin nëish iua obeca bëdambocquid cuessunniacbimbuec matses abitedi cuidmenquio icnuec cueste napotiaidën dectanac abided cuidadec intac chididiquec uënësaidquio mibitedi tantiamepanëdash.

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Tito 1:16

Aido: Nuquin Papa tantiaquid nebi, quebuedi utsibo ismec Nuquin Papa tantiesabimbuec tabadec. Nuquin Papan Chiaid niacquid yec chieshëmënquido nec. Bëdambuen tantiatiapimbo icquido icquin bëdambuen natiapimbo icquido nendac, Tito.

Timoteo 1 4:2

Aden podobitsi icsabon tantiamiac muaquidon: Abimbo caimbi, quequin bëdambocquid danmianquien muaquin chiendac. Aidon: Naden nac bëdambo ictsiash. Naden nac icsambo ictsiash, quequin bëdambuen tantienquio icquimbi icsambuen chuibansho matsesën tantiashunendac.

Doma 3:19

Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Hechos 13:28

Esusën icsambuen naid nibëdec, Pidaton cashobi: Icsambocquid neque. Aid uënës uametiadquidi mibi nec, quepanëdash isadaidbo Pidato chiec.

Uanën dada uaid 19:7

Adoaquien isadaidbon chuiquidon Esus bëquidon: Cun matsesën: Nuquin Papa mua uaquid cuessunnequid yendac, cacpadombuen natiadquio iquebi. Nuquin Papan Madombo nebi, quec Esus abibi mua uadoshe. Uënës uaquimbien ictiad, quecuededpanëdash.

Ducas 23:47

Adec Esus uënësso isash ambi isbuedtedi tantiaquin Nuquin Papan naid chiec sondadon chuiquid capitan: Abimbo chuiquid niosh. Nëid dada bëdambocquid niosh, quepanëdash.

Ducas 23:41

Icsambuen nabansho cuidaid nuqui daëdi nec. Nëid dada icsambuen naisa icshobi cuidenquioctiadquidi naic, quepanëdash.

Ducas 23:22

Adec cuëdcuededsho tantiashun padpidembuen: ¿Atotsi queshun: Cueste napotiaidën dectanme, cai? ¿Atotsi icsambuen nasho issun mimbi aden chuipe? Ma aidën icsambuen naid nibëdquio icpayoc. Adquid icsho cacuesquin mëyanmeshun Esus nidmembi, capanëdash Pidaton.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.