Mateo 27:35 - El Nuevo Testamento en matsés

³⁵ Adshobien cueste napotiaidën dectampanëdash. Dectanshumbic ambi dachicbued: Esusën dashcute bednu, quequin sondadobon abi cuëmëdquidtedi dada uabanshun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Mateo 27:35 Referans Kwoze

Ducas 23:34

Adoac diadequi Esus nadpanëdash: Papa, ubi uënës uanuequidon tantienquio icquin cueste napotiaidën dectanoshibique. Nëidon icsambuen naid tantienquio yec bëshunta, quequin Nuquin Papa chuipanëdash. Adnubic: Esusën dashcute bednu, quequin sondadobon abi cuëmëdquidtedi dada uashun tëchun sandoshon cadotannequin dada uaidëmpi abia puduenquid isbanquin Esusën dashcute bedpanëdash.

Hechos 4:10

Tantia, isadaidbotedi, nëid dada caputiapimbocquid Esuquidistu Nasaded yacno iccondaidën nadatiambocquin bëdanmiaid nec. Aidi mibitedishun cueste napotiaidën dectanquin uënës uamiacsho Nuquin Papan uincuenmiaidën bëdanmiac nëid caputiapimbocbuedi nëbi nidtoash capusho mimbi isec.

Uanën dada uaid 20:27

Adtanequien: Is cun mëdante, Tomas. Shëcuë bëmishec cho. Në podo ansiaid iqueque. Aidtsen bëmishec cho. Adshun: Uincuenabien icchitash, quequin tantienquio icbuedëmbi: Uincuenac, quequin tantiata, caquien

Uanën dada uaid 20:20

Aden chuitanquimbi abi bëchun shuin mëtoccaid chiuëbëta abi podo ansiaid Cun Icbon ubitedi ismepondash. Aden ismiac: Cun Icbo uincuenac, quiash ubitedi cuishonquecuededpondabi.

Uanën dada uaid 20:25

Choshobi: Nuquin Icbo ubitedishun isombi, caquien: ¿Aidquiobida nepash? Utsien niash. Bëchun shuin mëtoccaid shëcuë issun aid shëcuë mëdanten bëmishquinc podo ansiaid bëmishquinc cashumbimbi: Ai, Cun Icbo uincuenac, quequin tantiatsiac. Padambobi: Cun Icbombobien niash, quetiapimbo iquebi, quepondash Tomas.

Hechos 2:23

Aidi Nuquin Papan ëndenquimboshë tantiampicpaden bedmeshun mëyanmequin: Uënës uata, cac Nuquin Papa tantiesabo matses icsambocquidën cueste napotiaidën dectanquin uënës uapondash.