Mateo 27:24 - El Nuevo Testamento en matsés

²⁴ Adsho: Padi icnuna, caqui niacbidanquiec adequi uënës uamete bunquiec cuesantiadpambo yansho isash: Acte bec cho, quepanëdash Pidato. Bëacsho tasun dapan acte cushtotanec mëpamëdquin abitedi ismepanëdash. Adashic Esus caic: Nëid uënës uametiapimbo iquebi. Nëid uënës uamete bunec mibitedi cuidadtequidombo nendac. Mëpamëdec bëchish ucudacbimbuec mimbi icsamebued ucudebi, quiash mëpamëdquin ismepanëdash Pidaton.

Mateo 27:24 Referans Kwoze

Mateo 27:4

Nidshumbic chuiquido naden chuituidpanëdash: Cuessunnemenuen bëdambocquidi mibi bedmec icsachitobi. Nëid mimbi menebued mibi menenuec chobi. Në bed, caquien chuiquidon: Padi. ¿Atotsieshun nai? Ma mimbi bedmepaboc, quepanëdash Udas caic.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Mateo 26:5

Nuquin matses obeca pec tabadnuc bedmenquien ictiad. Esus bëdambocquidi bedec, queshun obeca pec chochoaidon nuqui cuestsiash, quecuededpanëdash.

Hechos 3:14

Esus icsaisa yec bëdamboshëcquid nec, quequin utsin tantianubi aid bunenquio icquin: Chieshëmënec cuessunnianquid quënën tsadunaid chicquin Esusded cuidta, quequin mibitedishun chuipondac.

Uanën dada uaid 19:4

Aden abi yacno bëuacsho istanequien Pidato padpidec puduenuash Esus bëquido chiec: Mimbi bëbued Esus icsambocquidpenquio nec. Icsamboquid icsho cuessunneta, catsiambi, quepanëdash Pidato.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 27:9

Aden Udasën piucquid tsasicquid 30ted menete chuiquin nuquin tsusedpa Nuquin Papan oncamiaid Edemiasën naden dada uapampic: Iuanun bednuen isadaidbon piucquid tsasicquid 30ted matses meneuidaid beduashun

Mateo 27:19

Adashic matses icsaido cuidte chuinuec tsadte dapan abucquio tsadtopondash Pidato. Adshobien iuan naden chuituidpanëdash: Min chidon: Naden chuitan, cac chobi. Esus caic: Aid dada bëdambocquid neque. Uënës uamenda. Dacuëdampambo icsho ushquin isombique. Uënës uamenda, quiosh, quequin chuituidpanëdash.

Mateo 27:23

Adoaquien Pidaton: ¿Atotsi icsambuen nasho mimbi adope? caquien buëdanquiec cuëdcuededec: Cueste napotiaidën dectanquin uënës uame, quecuededpanëdash.

Uanën dada uaid 13:9

Adsho tantiashumbien Simon Petedon: En na, Icbo. Tapanquinuidtsëqui nainquiocquin ubi mëpantanquin mapinotsen nata, caquien