Mateo 26:63 - El Nuevo Testamento en matsés

⁶³ Adoac ëcbedenquio yec otacquio icpanëdash. Adshobien nëish iua cuessunneshun pichicaquidon chuiquid tapan: Nuquin Papa uënëstiapimbocquidën cuidnushe, queshun abimbo chuita. ¿Nuquin Papan Chomiaidquio Quidistu caid yec aidën Madombobida mibi nepe? caquien

Mateo 26:63 Referans Kwoze

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 27:12

Adnubien Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquid tsësiobon: Esusën icsambuen naosh, quequin Pidato chuipanëdash. Aden chuisho tantiashun Esusën ëcbedenquio icpanëdash.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 19:9

Adash aton shubu dapan Esusbëdi padpidec pudueduashun Pidaton Esus chuiquin: ¿Mitsimbocquidquio ne? caqui Esusën ëcbedenquio icpanëdash.

Uanën dada uaid 19:7

Adoaquien isadaidbon chuiquidon Esus bëquidon: Cun matsesën: Nuquin Papa mua uaquid cuessunnequid yendac, cacpadombuen natiadquio iquebi. Nuquin Papan Madombo nebi, quec Esus abibi mua uadoshe. Uënës uaquimbien ictiad, quecuededpanëdash.

Uanën dada uaid 18:37

Adsho tantiashun Pidaton: Chuiquid tapa nebi ¿quecta ique? caquien: Ai, ma mimbibi chuipayoc. Chuiquid tapa icnuec matsesën tishaid nebi. Adquid icquin matses uaquid tantiamenuen abimbo chuibanombi. Adoac abimbo chuisho tantiate bunquidon ubi tantiendac, quepanëdash Esus.

Uanën dada uaid 10:36

Nuquin Papan tantiacpadec abi yacnouësh chondaid nebi. Adquid yec: Nuquin Papan Madombo nebi, ubi quesho tantiashun ¿atotsi quequin mibitedishun ubi chushcai? ¿Nuquin Papadambi icsambuen chuiquin muauadio?

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Uanën dada uaid 10:24

Ambo Esus capusho isash datsidadshumbien cun matses isadaidbon chuiquidon: En cuembo chui. Tantienquio yec tabadtiapimbo iquebique. ¿Nuquin Papan Chomiaid Quidistu caidta ne? Aidquio nebi, quequin nëbimbobi ubi chui, capondash.

Uanën dada uaid 8:25

Adsho tantiashumbien cun matsesën chuiquidon: ¿Mitsipadquid icquin ubi aden chuiquin nai? caquien: Umbi chianniac mibitedishun tantienquio iccoc. Adquid icsho mibi chuiuate bunenquio iquebi, quepondash Esus.

Uanën dada uaid 6:69

Ubitedishun: Abimbuen caic, quequin mibi tantiembi. Nuquin Papan Chomiaidquio yec bëdamboshëcquidquio nec, quequin mibi tantiembi, quepondash Petedo Esus caic.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 1:34

Aden ismeboc tantiaquin: Nuquin Papan Madombo nec, quequin mibi chiec nebi, quepondash Uan acten mentoanquid.

Madcos 14:61

Adoac ëcbedenquio yec otacquio icsho issun: Ambi chomiaidquio Quidistu caid Nuquin Papan Madombo nebi, ¿quecta ique? capanëdash nëish iua cuessunneshun pichicaquidon chuiquid tapanquio Esus cain.

Mateo 27:54

Nidaid uëdëquec ishcudnuc dacuëdampambo icsho isashien Esus isec tabadquido sondado aton chuiquid capitambëdi dacuëdtanec: Ma nëid dada Nuquin Papan Madombobi nepayoc, quecuededpanëdash.

Mateo 27:43

Nuquin Papa tantiaquid yec aton Madombo nebi, quequid icsho: Ai, cun madombo nec, quequin Nuquin Papan budmiac uënësenquio icsho isnu, quecuededpanëdash.

Mateo 27:40

Nuquin Papa tabadte shubu dapa chic chictanquin daëdec ushquin nacnenuaquin nainendambi, quiondaid yec uënësenquio yec bud. Nuquin Papan madombo yec auëshquiobi mibibi bud, cabidannepanëdash.

Mateo 27:14

Esusën ëcbedenquio icuapanëdash. Adsho isash tantiadempambo yec cobednadod Pidato: Adquid isambo iquembi, quepanëdash.

Petedo 1 2:23

Adquid icsho abi chieshënquidon mamënshunaqui cuidquin chushcainquio icpanëdash. Aidon natiamequin mëyanaqui: Mibitsen cuidendambi, cainquio icpanëdash. Adenquio yec nadpanëdash: Nuquin Papan matsesën naidtedi tantiaquid icquin bëdambocquido abëdi tabadmequin icsambocquido cuidquin chian annëdënquiacno ma nidmepanu, quiash chieshëmënenquio icpanëdash.

Mateo 4:3

Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Mateo 26:62

Aden chuisho tantiash nëish iua cuessunneshun pichicaquidon chuiquid tapa nidtotanquin chiec: ¿Mimbi chiaid chiecquiobida nec? ¿Abimbo chuiquimbida nëid daëdshun chieque? Tantianu. Chui, capanëdash Esus chuiquin.

Codinto 2 1:19

Adembidi ambi chiacpadombuen nabanquidquio Nuquin Papan Madombo umbi chuibenniaid Esuquidistu nec. Aidi Sidbanobëtan Timoteon chuibenniaidbidi neuaic.