Mateo 26:31 - El Nuevo Testamento en matsés

³¹ Ambo nidash tabadquimbi Esusën naden ubitedi chuipondash: Nëid inchëshëmbi Nuquin Papan chiampicpadec ubi nianec mibitedi niquendac. Nuquin Papan Chiampid nad iquec: Icbo cuessunnesho istanec ambi iuaid obeca niquendac, quequin chuipampic.

Mateo 26:31 Referans Kwoze

Uanën dada uaid 16:32

Aden ubi tantiaquidombo iquequi ubi chieshënquin bedsho istanec ubi nianec abimaisi mibitedi niquendac. Aden mimbi ubi niannubi Cun Pan ubi nianenquio iquendac.

Mateo 11:6

Adshumbic: Nadentsen chuita. Umbi aden nabanaid tantiash chieshtoenquio icquin ubi tantiaquid Nuquin Papan bëdambuen isaidquio nendac, quiosh Esus, quequin chiec nid, cac nidannepondash Uambëd icquido.

Mateo 26:56

Bedenquio icbuedëmbi Nuquin Papan tantiacpadënquiobi mimbi ubi bedec. Aden ubi bedshun mëyante chuiquin Nuquin Papan oncamiaidon dada uampicpadombuembi mimbi ubi bedec, quequin chuinubini Esus abentsëqui nianec ubitedi niquepondac.

Mateo 26:24

Nuquin Papan ubi bedmete chuiquin dada uamiampicpadombuen Matsesën Tishaid icshobini bedmendac. Aden ubi chieshënquin bedmequid cumapenen cuidtequidquio nendac. Aidi aton titan tishenquio icpatecnëdan, quepondash.