Mateo 26:2 - El Nuevo Testamento en matsés

² Daëdec ushshun nuquin tsusedpabon: Ma cun mado uënësmenquio icnu, queshun obeca caniactsëc cuessunniampid tantiaquin penun obeca caniactsëc cuessunnec, quequin mibitedishun tantiec. Aid uëshëmbi Matsesën Tishaid icshobi cueste napotiaidën dectanmenun ubi bedendac, quepondash Esus.

Mateo 26:2 Referans Kwoze

Uanën dada uaid 18:2

Ambo tabadnubien Esus bedmenuen Udasën: Ubi abëd tabadtennebocno tied yacnoen nidchitash, quequin tantiapanëdash.

Uanën dada uaid 11:55

Ambo tabadnubien tsusedpabon: Ma cun mado uënësmenquio icnu, queshun obeca caniactsëc cuessunniampid tantiate uëshë anoentsëqui yannuc Edusaden yacno cun matses nidannepondash. Cuëdënquin bedanabi icnuc mishtemaid mishquidoba Edusaden yacno nidannepondash. Mabi nëish iua cuessunneshun pichicaquidon nesmenu, quiash mishtemaid mishquid nëish iua cuessunneshun pichicaquidën nesmiabi icquid cuëdëntemaid nec, quedennec, quianec nidannepondash.

Mateo 17:22

Adanec aton nidaid Cadidea yacno capucuennequimbi Esusën ubitedi naden chuiuapondash: Matsesën Tishaid icshobi ubëd icquid abentsëcshun chieshëmënquido ubi bedmendac.

Uanën dada uaid 12:1

Aden abi nibënnubien Edusaden anoentsëqui ambi Dasado uincuenmiondacno Betania caid yacno Esus chopondash. Cuëdënquin bedantequid tsusedpabon: Ma cun mado uënësmenquio icnu, queshun obeca caniactsëc cuessunniampid tantiec cuëdënquin bedante 5tedec ushabicnuc nepondash.

Uanën dada uaid 2:13

Capednaun caid yacno ushanec nidequi shubu dadpen icquid Edusaden yacnotsen Esus nidanneuapondash. Tsusedpabon: Ma cun mado uënësmenquio icnu, queshun obeca caniactsëc cuessunniampid tantiate uëshë anoentsëqui yanec, quiash Esus ambo nidannepondash.

Ducas 22:15

Ubi mëyanquin uënës uate yanabicnuc aton mado bëyucquido uënësmenquio yampid tantiaquin pec mibëdi tabadte bunquiobi.

Mateo 27:4

Nidshumbic chuiquido naden chuituidpanëdash: Cuessunnemenuen bëdambocquidi mibi bedmec icsachitobi. Nëid mimbi menebued mibi menenuec chobi. Në bed, caquien chuiquidon: Padi. ¿Atotsieshun nai? Ma mimbi bedmepaboc, quepanëdash Udas caic.

Mateo 10:4

Nëidic Simon utsi cananebo. Nëidic Udas Iscadiote Esus abi chieshënquido bedmetequid. Aidtedi abëd icquido icsho chuipondashi.

Uanën dada uaid 18:32

Ënden aton matses chuiquidon bedabi icquin Esusën: Ubi cueste napotiaidën dectanquin uënës uamendac, quequin abi uënës uamete chuipanëdash.