Mateo 25:41 - El Nuevo Testamento en matsés

⁴¹ Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Mateo 25:41 Referans Kwoze

Petedo 2 2:4

Ëndenquimboshë nidaid uabi icnuc Nuquin Papabëd icquidon utsin utsinquien: Umbiquien abitedi namenu, quequin abi dëniacte bunsho issun Nuquin Papan inchëshquio yacno nidmeshun uidënuaquin bëtashpampic. Iuecshun abitedi cuidte uëshën chian annëdënquiacno nësecanumbi nabono, queshun adopampic.

Tesadonica 2 1:9

Abi yacno puduedmenquio icquin icsambuen naquido ënëdenquio yec mëyadnuc cuidacno nidmendac cuentiapimbo icnuc. Adoac Esus abitedishun Icbombo yec bëchamauanquiec bëdamboshë isadsho isequi aidbëd tabadtiapimbo iquendac.

Mateo 13:42

bedshun chian annëdënquiacno nësecaindac. Adoac: Ubi, quec natiec mëyadbudec shëta shëchëdëshquequiec sidquebudnendac.

Mateo 13:40

Icsambo icquid caniacsho tacuesquin tsindoshon nëdëncacbimbuen Nuquin Papan cuidte uëshëmbi icsambo icquido cuidendac.

Uanën dada uaid 8:44

Min papabimbuecquid Mayan Icsa Satanas nec. Aid bunacpadenuidi nate bunquid yec aidën mado mibitedi nec. Ëndenquimboshë Nuquin Papan tauambuen matses uambi Mayan Icsa Satanas cuessunnianquidquio yampampic. Adquid iquec Nuquin Papan chiacpadombuen namenquio yec chieshëmënec cumapenec muaquidquio nec. Aton padibi icquid yec bëdambuen chuimenquio icquin matses muamequidquio nec.

Mateo 7:23

quequid Cun Pan chiacpadec bëdambuec tabadabi icsho: Umbi isacmaidquio mibi neque. Baded cuenta. Icsambuec tabadquid mibitedi neque, caindambi, quepanëdash Esus.

Mateo 3:12

Adosbiecquid tidico caid ëshë uashun icbon dayunuaic. Adoshombic bitsi tsindotanquin nëdëncaic. Adoacbimbuen abi tantiesabo icsho ënëdenquio yec chian annëdënquequid Nuquin Papan nësecaindac. Adoshombic abi tantiaquidotedi abi yacno puduedmendac, quepanëdash Uan acten mentoanquid.

Mateo 13:50

icsambo icquido chian annëdënquiacno nësecaindac. Adoac: Ubi cuidec, quiash shëta chëquëdëshquec natiaquiec shubiquiendac, quequin Esusën Nuquin Papan cuidte chuipondash.

Uan 1 3:10

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Ducas 16:24

Adec aid daëdi tsadsho issun atona dadpen icbuedën chuiquin: Papa Abadauan Ubi ampichiquequieque. Ma Dasadon aton mëdante dëshbi acte puntanquin cun ana dauebudmequin ubi anchucu uanu. Chome, papa, caposh.

Ducas 13:27

Adoaquien: Umbi isacmaido yec icsambuen naic tabadquido mibitedi nec. Adquid yec: Nëmbo mibi puduedtiapimbo iqueque. Nidec nid, caindac.

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Mateo 18:8

Aden Nuquin Papan cuidte chuisho tantiaquimbi icsambuen nainda. Mëdanten naic mibi icsaic. Mëteshun uannombo neshunac bedtiapimbo yacbimbuen mimbi icsambuen naid ënta. Taën capuec mibi icsaic. Tateshun uannombo neshunac caputiapimbo yacbimbuen mimbi icsambuen naid ënta. Ënenquio icsho Nuquin Papan mibi chian annëdënquequid nësecaindac.

Mateo 5:22

Nadquidotsen cuidtequido nec, quequin chuinu. Tantia. Aton matsesbëd nëishnanash baded bëdanenquio icquid icsho Nuquin Papan cuidtequid nendac. Utsibic chieshëmënec icsambuec chuishumënquido isadaidbon chuiquidon cuidtequid nendac. Utsibic aton matses chieshënquin cuessunnemete bunquin: Shëpi, caquin icsambuen chuishunquido Nuquin Papan chian annëdënquequid nësecaquin cuidtequid nendac.

Mateo 4:10

Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.

Mateo 25:42

Bundoacsho mimbi ubi pemenquio ictennec. Acte bundoacsho mimbi ubi acmenquio ictennec.

Tesadonica 2 1:7

Aden nuqui natiamequin chieshënquido Nuquin Papan cuidendac. Adoac nuqui natiametiapimbo iquendac. Abëd icquido ambi nadatiambocquin namiaidobëd cute nëdënquequidbimbuec isadec abucuësh choshon Nuquin Icbo Esusën adoendac.