Mateo 25:40 - El Nuevo Testamento en matsés

⁴⁰ Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Mateo 25:40 Referans Kwoze

Mateo 10:42

Adembidi ubi tantiaquid acte bundoacsho acte acmequin nashunsho Nuquin Papan bëdambuen isquin bëdamboshëcquid menetequid iquendac, quequin Esusën chuipondash.

Madcos 9:41

Abimbo chiembique. Tantia. Esuquidistu tantiaquid nec, quequin mibitedi acte acmequin nashunquid Nuquin Papan bëdamboshëcquid menetequid iquendac, quepanëdash Esus.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Mateo 10:40

Adshumbic Esusën ubitedi padpiden naden chuipondash: Mibi bëdambuen isquidën ubi bëdambuen isendac. Ubi bëdambuen isquidën ubi chomequidtsen bëdambuen isendac.

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Uan 1 4:20

Utsi nadpec: Nuquin Papa tantiaquid nebi, quepec. Adquid icquimbi abëtan Esus tantiaquid utsi ambi isaidquio chieshënquid yec muaquidquio nendac. Aden ambi isaidquio tantienquiocquid iquec ambi isacmaidquio Nuquin Papa tantienquiocquidbidi nendac.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Epeso 5:30

Nuquitedi abi tantiaquido yec Esuquidistubëd abentsëc yacbimbuecquid icnuc aidën dadabimbuecquid nuqui nec.

Cadasia 5:13

Cun utsibo, mibitedi Nuquin Papan Esus tantiamiaido nec. Adquido yanash: Ubi icsate bunaid nanu, quenda. Adec tabadenquio yec utsibobëd tantiananec nashunnanta.

Doma 8:29

Ëndenquimboshë Nuquin Papa aido tantiec nadpampic: Nëido Cun Madobimbuecquid icmeshun aidon buchi bëyucquidbimbuecquid Cun Madombo icmendambi. Adshumbic aidën utsibobimbuecquid tsiuec dadpenquio icmendambi.

Mateo 28:10

Adoaquien Esusën: Dacuëdenda. Cun utsibo ubëd icquido naden chiec nid: Nidaid Cadidea yacno nidannec nid. Amboshon mimbi ubi isendac, quiosh, quequin chiec nid, caquien Madian chido utsibobëd choquin chuituidpanëdash.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Mateo 25:39

¿Mibi nënec uënëstiadtsëcquio icsho isashtabi mibi datsadtionda? ¿Quënën tsadunac tsadshodambi mibi istanionda? Mimbi tantiadenquio icnuc chuipec, quequin ubi chiendac.

Mateo 25:45

Adoac naden chiendambi: Atona nibëdquido nashunenquio icquin ubibi nashunenquio yacbimbuen umbi chiacpadombuen naisabo mibitedi neque. Nuquin Papan icsaido cuidacno nid, caindambi.

Ducas 19:38

Nuquin Papan abi yacnoshon Chomiaid chuiquid tapa Ambi bëdambo icmiaidquiobidi nec. Nuquin Papa yacno bëdambuec tabadec icsaisatedi iquendac, quec iccuededquido cumapenec cuëdcuededpanëdash.

Esusën Uan ismiaid 17:14

Adoac Obecabimbuecquidbëd icquido nibëdquiocnoc cuessun secanu, quiash aidobëd cuesnancuededposh. Adec cuesnanquin Obecabimbuecquidën dëniacposh. Aido abi chieshënquidon: Chieshtomenu, caqui chieshtoenquiocquin Obecabimbuecquid tantiaquid icsho Nuquin Papan namiaido neposh. Obecabimbuecquid abitedishun Icbombo yec abitedishun chuiquid tapambo nendac, quetanquin dëniaquendac, queposh Nuquin Papabëd icquid.

Esusën Uan ismiaid 19:16

Aton dashcute bëntsecquidbëtambi aton bëusudquidën naden dada uapaccosh: Abitedishun chuiquid tapambo yec abitedishun Icbombo nec, quequin chuiquin dada uapaccosh.