Mateo 25:35 - El Nuevo Testamento en matsés

³⁵ Adshumbic naden chiendambi: Mimbi ubi bundoacsho pemedennec. Acte bundoacsho adembidi mimbi ubi acmedennec. Mimbi isacmaidquio icshobi mimbi min shubun ubi iuedtednec.

Mateo 25:35 Referans Kwoze

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Doma 12:13

Esus tantiaquido atona nibëdsho issun meneta. Isedanquido chosho bëdambuen isquin iuedta.

Doma 12:20

Adembidi naden chuiuapampic: Mibi chieshënquidobi pete bundoacsho pemeta. Acte bundoacsho acmeta. Adoac mibi chieshënquido: Bëdambo icquidi chieshënec icsambo icchitobi, quiash dacuëdendac, quequin chuipampic.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Pidemon 1:7

Aden umbi chianniacpadombuen mimbi bëdambuen nabanec. Aden Nuquin Papa tantiaquido chieshtomenquio icquin bëdambo icmec, quequin tantiec cuishonquec bëdambo iquebi.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Doma 16:23

Pabado nebi. Cayon shubu yacno iquebi. Esus tantiaquido iccuededec nëid shubu yacno pudued puduedosh. Aidontsen mibitedi tantiec. Adembidi Edaston mibitedi tantiec. Aidi nëid shubu dadpen icquidon chuiquidën chiacpadombuen piucquid bedbenneshun dayun uaquid nec. Nuquin utsibimbuecquid Cuadtontsen mibitedi tantiec.

Hechos 16:15

Aidbëd aton shubun icquido Esus tantiaquido yansho issun acten mentobampondash. Aden abi mentoboc Didian: Esus tantiaquid nec, quequin ubi tantiaquid icsho umbi: Cun shubuno ushec cho, cac ubitedi nidash Didian shubun puduedash Pabadobëd tabadpondabi.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 10:31

Codnedio, abi chiec onquiannesho Nuquin Papan mibi tantiashunosh. Adembidi atona nibëdquido mimbi meniannesho aidëmbi bëshunenquio icquin tantiec.

Hechos 4:32

Aden chuibanequi shubu abentsëquën tabadacbimbuec tabadec Esus tantiaquido dadpenquio: Cunauidtsëqui nec, quenquio yec menenampanëdash. Adecbidi: Abitedishuna nec, quec tabadcuededuapanëdash.

Uanën dada uaid 13:29

Adsho tantiash: Udas nuqui piucquid dayun uashunquid nec, quequin tantiec utsi utsiec: Piucquid buanshun nuqui nëbi petequid bedtan, caquimbien nachitec, quenubi utsi utsiec: Piucquid nibëdquido piucquid menetan, caquimbien nachitec, quepondabi.

Ducas 11:41

Atona nibëdquid tantiaquin menededneta. Aden mimbi menedednesho issun Nuquin Papan mibi bëdambuen isendac, quepanëdash Esus.

Madcos 14:7

Piucquid nibëdquido dadpen mibëd tabadec nibëdenquio iquendac. Aidi menenu, queshun mimbi menepec. Ubien mibëd icbuedi nëbi nibëdquio yanendac.

Mateo 26:11

Piucquid nibëdquido dadpen mibëd tabadec nibëdenquio iquendac. Ubien mibëd icbuedi nëbi nibëdquio yanendac.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.