Mateo 25:34 - El Nuevo Testamento en matsés

³⁴ Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Mateo 25:34 Referans Kwoze

Santiaco 2:5

Tantia, cun utsibo. Umbi tantiaido icsho mibitedi chuinu. Atona nibëdquido icsho Nuquin Papan abi tantiaquido icmequin ambi namiaidquio icmiac. Nuquin Papa bëdambocquid icquin ma ubi nashunnu, quequin ma tantianu. Adoac aid tantiaquido yec: Nuquin Papan ambi chiampicpadombuen bëdambuen isquin uënësacsho abi yacno abëdi tabadmequin abi tantiaquido icsho ubi bëdamboshë icmendac, ma quenu, quequin ambi namiaidquio nendac.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.

Esusën Uan ismiaid 13:8

Bëdi dapabimbuecquid acte ëquëducuësh chobued chuiquid tapa icsho matses abitedishunquio: Nadatiambocquid yec bëdambo iquec, quequin tantiabededendac. Ëndenquimboshë matses uabi icquin Nuquin Papan tantiampicpadec abided cuidadec uënësaid Obecabimbuecquid tantiesabo nendac. Adquido yec Nuquin Papan: Ubëdi tabadtequido nec, quequin abi cuëmëdquid dadauate dapan dada uamiambo icquido nec, quequin aden ismeposhi.

Mateo 20:23

Adsho tantiashien: Ai, ubi tantiaquid yec mibi mëyadquiendac. Padnuembi umbimbo mibi chuiquid tapa icmequin mibi ubi datsadmetiapimbo iquec. Cun Pambien ambi tantiacpadombuen ubëtan chuiquid tapa icmendac, quequin Esusën chuipondash.

Esusën Uan ismiaid 17:8

Mimbi isbued bëdi dapabimbuecquid ënden ictennedi nëbi nibëdequi iuecash aidquiobidi abi tabadaid nidaid shëcuë ëquëducuësh padpidec choendac. Adacsho iuecshun cuidquin nibëdanmequiendac. Aden nibëdanmiabi icnubi ëndenquimbo nidaid uabi Nuquin Papan tantiampicpaden abëd tabadmetequido aton cuëmëdquid dadauate dapan dada uaid icnubi utsibo aton cuëmëdquid aid dada uaten dada uambo icquido nidaidën tabadquido tantiadempambo yec tabadendac aid bëdi dapabimbuecquid isash, queposh Nuquin Papabëd icquid.

Ebedeo 4:3

Aden Ambi Chiaid tantiashumbi nuquin tsusedpabon nainquiocsho isash nëishash Nuquin Papa nadpampic: Umbi chiondacno tabadmenquio iquembi. Ambo ubi abitedi uaquin nainash tabadacbimbuec cuesnanenquio yec bëdambuec mibi tabadtsenoc, quequin chushcaquin Nuquin Papan chuipampic. Nëbi Ambi Chiaid tantiaquido natienquio yec aidbëdi tabadtequido nuqui nendac. Nuquin Papabëd bëdambuec tabadte abi iquec. Nidaidbëta abu uaquin 6tedec ushquin nainash 7icquidën nacnenenquio yec Nuquin Papa tsadtopampic.

Ducas 12:32

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Ebedeo 11:16

Adenquio yec: Nuquin Papa yacno bëdamboshë yacno tabadte bunquiebi, quesho tantiashun: Cun matses nec. Aidon Papa nebi, quequin chuishun abi yacno abëd tabadte Nuquin Papan icmiaid shubu dadpen icquid abi iquec.

Codinto 1 15:50

Tantia, cun utsibo. Matses yec dada namibëd intacchoquid icnuc Nuquin Papan namiacno tabadtiapimbo iquendac. Uënësash aton dada chodquetequid icnuc Nuquin Papa yacno tabadtiapimbo iquendac.

Mateo 25:41

Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Esusën Uan ismiaid 19:16

Aton dashcute bëntsecquidbëtambi aton bëusudquidën naden dada uapaccosh: Abitedishun chuiquid tapambo yec abitedishun Icbombo nec, quequin chuiquin dada uapaccosh.

Codinto 1 2:9

Nuquin Papan chuiquin dada uamiampid nad iquec: Nuquin Papan abi tantiaquido tabadmenun nacnenaid iquec. Aidi matsesën tantiacmaid isquin: Nadquio iccosh, quequin chuitiapimbo iquec, quequin chuipampic.

Mateo 25:21

icbon: Ai, cun iua bëdambocquid mibi nec. Umbi daëdpactsëc meniondaidi daëd uaquin umbi chiacpadombuen mimbi bëdambuen nac. Nëbi dadpen namequid icta. Ubëd cuishonquec tabadec cho, caposh.

Mateo 19:29

Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Mateo 13:35

Aden Esusën chuite chuiquin ambi oncamiaido Nuquin Papan dada uamiampicpadombuen nanuen adopondash. Nuquin Papan dada uamiampid nad iquec: Cuembo chienquio icquin utsi chiacbimbuenuidi chuibanendambi. Ëndenquimboshë nidaid uashun aidën icquido uashumbi Nuquin Papan ambi tantiaidi ambi uaido chiambo iquec. Adembidi aidon tsiuecquidotedi chiambobidi iquec, quequin Esusën chuite chuipampic.

Petedo 1 3:9

Chieshënac cuidnanec chieshënnanenda. Chieshënquin icsambuen chuishunac cuidnanec icsambuec chuishunnanenda. Adenquio icquin aido bëdambuen ista. Umbi bëdambuen isaidon ma aton matses bëdambuen isnu, queshun Nuquin Papan abi tantiaquido mibi icmiaque. Bëdambuec tabadta.

Timoteo 2 2:12

Aden chieshënquin natiamiaqui chieshtoenquio icquin abi tantiec uënësacsho Esusën ambi namiacno tabadmendac. Esus tantiaquidpenquio nebi, quequid icsho: Adembidi Umbi tantiacmaido nec, quequin Esusën Nuquin Papa chiendac.

Cadasia 5:21

Nëidic utsina isash natiambo bunec chieshëmënquido. Nëidic badedbadedquien tantiadennuen acte paë uaid acquido. Nëidic badedbadedquien nua pequido. Nëidic inchëshën ushenquio yec iccuededec mamënec icsambuec tabadquido. Nëidic aidpadquid utsi naic tabadquido. Adquidtedishun ambi icsambuen naid ëntiapimbo yec uënësash Nuquin Papan namiacno tabadtiapimbo iquendac, quequin ënden mibitedi chuibanondambi.

Codinto 1 6:9

¿Icsambuen naic tabadquido Nuquin Papan namiacno tabadtiapimbo iquec, quequin tantienquioda mimbi icpe? Mua uadenda. Nadquidtedi Nuquin Papa yacno tabadtiapimbo iquendac. Nëidic piucquid bedec chudadquido. Utsibic ambibi nacnenshun papa caquin tantiaquido. Utsibic aton bënëpenquio chudmequido. Utsibic aton chidopenquio chudquido. Utsibic chido daëdi dachudnanquido. Utsibic dada daëdi chichudnanquido.

Ducas 19:38

Nuquin Papan abi yacnoshon Chomiaid chuiquid tapa Ambi bëdambo icmiaidquiobidi nec. Nuquin Papa yacno bëdambuec tabadec icsaisatedi iquendac, quec iccuededquido cumapenec cuëdcuededpanëdash.

Mateo 5:19

Adquid icnuc Nuquin Papan: Naden nata, quequin chiaid abentsëc niacquin aden chiaidbidi utsi niacmequid Nuquin Papan ambi namiacnoshon: Bëdambo icquid nec, catiapimbo iquec. Utsibic Nuquin Papan chiacpadec tabadec: Nuquitsen bëdambuec tabadnuna, quequin utsibo chuiquid abi yacno ambi namiacno nidacsho Nuquin Papan: Bëdamboshë icquid nec, caindac.

Mateo 3:2

Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Esusën Uan ismiaid 5:10

Adoac mimbi namiaido yanshun mibi tabadte shubunshun mibi nashunenquio icbuedombi mibi nashunendac. Adembidi nëish iua cuessunneshun pichicaquidobimbuec yanshun: Mibi bëdamboshë iquec, Papa, cadedcadedendac. Mimbi tantiacpadën nidaidën icquidtedishun chuiquid tapabo mimbi icmendac, quec cuëdëncuededposh.

Petedo 1 1:9

Adec cuishonquec mibitedi: Esusën abi yacno ubi iuedendac, quequin aid tantiec mibi cuishonquequiendac.

Ebedeo 9:26

Matsesën nacbimbuen naic taecquiobi abitedi uash matsesën icsambuen naid bedshunash abided cuidadec baded badedquiec Esuquidistu uënëstsempanëdash. Adenquio yec matsesën icsambuen naidtedi bedshunash abided cuidadec abentsecquiobi uënëspanëdash, nëid nidaid nibëdanmete anoentsëqui yannubi.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Tesadonica 1 2:12

Nuquin Papan: Bëdambuec tabadquid icmeshun umbi namiacno bëdamboshëcquid yacnombo tabadtequid icmembi, quequin Esus tantiamiaido mibitedi nec. Adquido yec Nuquin Papa bunacpadec bëdambuec tabadquid neque. Ambi Chiaid niaquenquio yec bëdambuec tabadnuna, quequin mibitedi chuidenniondambi.

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Hechos 15:18

Nuquin Icbon ambi ëndenquimboshë tantiampicpadombuen chiaid nec, quepampic Nuquin Papan oncamiaid, quequin Santiacon chuipanëdash.

Hechos 3:26

Aden Abadauan ambi chiampicpadquid aidën tsiuecquid Nuquin Papan Mado choacsho mimbi uënës uamepondac. Aden uënës uacsho Nuquin Papan uincuenmeshun nuquin matsesëmba ambi icsambuen naid ënsho ma ambi bëdambuen isaid icpanuna, quequin Petedon chuipanëdash.

Uanën dada uaid 19:15

Adoaquien aidon: Cueste napotiaidën dectanquin uënës uame. Nëbimbobi buanshun cueste napotiaidën dectanquin uënës uame, quec cuëdcuededpanëdash. Adoaquien Pidaton: ¿Min chuiquid tapadambi cueste napotiaidën dectanquin uënës uamepe? caquien Nuquin Papa ismequin nëish iua cuessunneshun pichicaquidon chuiquidon: Min chuiquid Sesad caiduidtsëqui cun chuiquid tapa caimbi, cabededpanëdash.

Uanën dada uaid 12:13

niste podobiecquid tebëtsennec Esus bëquedec chochopondash. Adec chochoquin: Chuiquid tapa nec, quequin ismequin ambi tebëtsennebued uic uiccabededec: Osana. Nuquin Papan Chomiaid yec mibi bëdamboshëcquid nec. Cun matses isadaidbon chuiquid tapambo mibi nendac, cabededpondash Esus cain.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Ducas 11:28

Adoaquien: Nuquin Papan Chiaid chuibansho tantiashun aidën chiacpadombuen nabanquid Nuquin Papan bëdambo icmiaidquio nendac, quepanëdash Esus aid chido chiec.

Madcos 10:40

Aden chuishumbic: Abuc nidash chuiquidquio yec cun dayunquio ëquë tsadbudcuenec nëmbo tsadec cho, quetiapimbo iquendabi. Nuquin Papambien ambi tantiaidquio aden tsadunendac. Umbi padenquio iquembi, quepanëdash Esus Uambëta Santiaco chiec.

Mateo 27:37

Adshumbic: Nadquid icsho cuidquin cuessunniac, quequin ma isquidon tantianu, queshun cueste pada uaidën naden chuiquin dada uapanëdash: Nëidquio Esus nec. Isadaidbon chuiquid tapambo nec, quequin dada uaid Esusën mapi abuctsëc dectampanëdash.

Mateo 25:23

icbon: Ai, cun iua bëdambocquid mibi nec. Umbi chiacpadombuen naquin mimbi cuna daëduaque. Nëbi mibitsen dadpen namequid icta. Mibitsen ubëd cuishonquec tabadec cho, caposh.

Mateo 21:5

Shubu dadpen icquid Sion caidën tabadquido chui. Min chuiquid tapa cabachubitsecquid iuëmbocquid buanmetequidën bacuë caniactsëc catsadec choeque. Is. Ancanenquio yec bëdamboshë icquidquio neque. Is, quequin chui, quequin dada uapampic.

Epeso 5:5

Nadquido icsambo iquec. Nëidic ambi chudtemaidi chudquido. Utsibic ambi natemaid utsi naquin mëmunesabo. Utsibic ambi tantiaiduidi dadpen bunquin bedquido. Aden naquido: Ambibi nacnenash: Ubi uaquidien nec, quiacbimbuen Nuquin Papa tantiesabo nec. Aidotedi Nuquin Papan Esuquidistubëtan namiacno tabadtiapimbo iquendac.

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Madcos 10:17

Aden chianec auëshquio puduanec podquiedën nidnubien dada abentsëc titinquianec choquin bëquedtanec dannëshën sebudash tsadquin: Chuibanquid yec bëdambocquidquio mibi neque. En ubi chui. Nuquin Papa yacno ënëdenquio yec tabadnuen ¿atotsimbi nape? capanëdash chobuedën Esus chuiquin.

Ducas 11:50

Aden min tsusedpabo Nuquin Papan oncamiaidon chuisho tantiesa icquin aido intac mëyanmequin cuessunnepampic. Min tsusedpabopadquid nëbi icquidobëtan Nuquin Papan Chomiaidquio tantiesambo mibitedi nec. Adquido icsho Nuquin Papan matses cuidte uëshëmbi ambi ënden mëyanampidobëta nëbi cuessunnianquidobimbuecsho mibitedi cuidendac.

Uanën dada uaid 17:24

Mimbi ubi tantiaquido icmiaido nuqui tabadacnombo tabadmeta, Papa. Abitedimbo uabi icquin mimbi: Umbi tantiaidquio mibi neque. Nuquibi nanuna, Mado, mimbi cac bëchamauanquiec bëdamboshë yec tabadtennecpadequi mibëd tabadsho ma ubi tantiaquidon isnu, queshun: Mibi yacno tabadmeta, quequin mibi chiec nebi, Papa

Ebedeo 1:14

Padnuen abëd icquido Nuquin Papa nashunquido nec. Adembidi Nuquin Papan: Esus tantiaquido ubëd tabadtequido neque. Nashuntan, quequin chometequido nec.