Mateo 25:30 - El Nuevo Testamento en matsés

³⁰ Aid iua tantiesa yec chieshquid icsho cuidquin inchëshquio yacno netan cac netanac natiaquiec shëta chëquëdëshquequiec shubiquiendac, quepondash Esus.

Mateo 25:30 Referans Kwoze

Mateo 8:12

Padnuen isadaidbo dadpenquio Nuquin Papan namiacno tabadtiadquidi puduedtiapimbo iquendac. Aido abi tantiesabo icsho chian annëdënquiacno nësecac mëyadec shëta chëquëdëshquec natiaquiec shubiquiendac, quequin Esusën chuipanëdash.

Mateo 22:13

Adshobien chuiquid tapan: Chido bedacno isnuec dashcute bëdaidquio dasiuidquid, quepadennec. Mibi icsambo iqueque. Mibi cuidnu, queshun aton iuabo chiec: Mëtanetanquin tataneshun buanshun inchëshquio yacno netan, cac netanac mëyadec natiaquiec shëta chëquëdëshquec shubiquioposh.

Mateo 13:50

icsambo icquido chian annëdënquiacno nësecaindac. Adoac: Ubi cuidec, quiash shëta chëquëdëshquec natiaquiec shubiquiendac, quequin Esusën Nuquin Papan cuidte chuipondash.

Udas 1:13

Aido acte dapa cumapenec bocquec tëccuasquequidën cuëmano nushanuaquin icsa uacbimbuen icsambuen naquido nec. Aido uispa chënquebuedi bënnudacbimbuen bëdambuen tantiamenquiocquido nec. Adec muasho cuidquin Nuquin Papan puduentiapimbo yec inchëshquimboshë yacno nidmendac.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Ducas 13:28

Aden chiaqui Abadauan yec Isac yec Acobo yec Nuquin Papan oncamiaidotedi yec quec Nuquin Papan namiacno tabadsho isash Nuquin Papa tantiesabo yec ambo puduedtiapimbocquid yec mëyadtequid iquec shëta chëquëdëshquiec mibitedi natiaquiec shubiquiendac.

Mateo 24:51

Adec choshon ambi chiacpadombuen nainquio icsho istuidshun: Icsambo iquec, queshun cumapenquien cuidendac. Adombuembidi Nuquin Papan icsambuen naquido cuidendac. Bëdambo icquid danmianquido cuidacno matses mëyadtequid yacno nidmendac. Adoac natiaquiec shëta chëquëdëshquec shubiquiendac, quequin Esusën chuipondash.

Mateo 13:42

bedshun chian annëdënquiacno nësecaindac. Adoac: Ubi, quec natiec mëyadbudec shëta shëchëdëshquequiec sidquebudnendac.

Esusën Uan ismiaid 21:8

Adoshombic nadquidtedi cuidendambi. Nëidic dacuëdquin ubi tantiauidbuedo. Nëidic Esus tantiesabo abitedi. Nëidic chieshëmënquido. Nëidic chieshëmënec cuessunnianquido. Nëidic aton dada utsibëdi chichudnanquido. Nëidic chido daëd dachudnanquido. Nëidic aton chidopenquio chudquido. Nëidic aton bënëpenquio chudmequido. Nëidic nënëchoquido. Nëidic ambibi nacnenaidi papa caquin tantiaquido. Nëidic mua uanquido. Aidotedi chian dapa ënëdenquio yec annëdënquequid icsamboshë nuadquid asupede caid padpidec uënëste caid yacno nësecaindambi, queposh.

Petedo 2 2:17

Aidotedi muaquin tantiamequido yec acte chomenuen uëdëshcashun nacnenaidi acte nibëdquio yacbimbuecquido nec. Adecbidi abu chëshë cunquequidën tsidunacbimbuecquido nec. Adquido icsho Nuquin Papan cumapenec mëyadnuc cuidquin inchëshquio yacno nidmequin ënëdenquiocnoc cuidendac.

Mateo 5:13

Adshumbic abi macuësh tapa poctse tsadquin Esusën naden chuibampanëdash: Ma utsibontsen Nuquin Papa tantianu, quiash mibitedi sa casecac pambid bëdambo icsho petiadquio yacbimbuec bëdambuec tabadta. Sa bëdambocquid bëdambo iquec. Sa bëdambo icbuedi icsacsho ¿Mitsipaden bëdambo icmeuapec? Adotiapimbo iquec. Sa icsambo yanacsho umanuc secacsho matsesën mannetequid nec, quepanëdash Esus.

Mateo 3:10

Aden chiashic: Cute bacuëesa icsho dëdshun cuidi mëteshun tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan padiseobobëta saduseobo chiec.