Mateo 25:13 - El Nuevo Testamento en matsés

¹³ Umbi chuibued tantiashun chido icsambuen tantiaquido tanenda. Ubi chote uëshë tantiadenquio icnuc: ¿Nëbida cun Icbo chopeba? quequin ubi bëdambuen tantiec umbi chiacpadec bëdambuec tabadta, quepondash Esus abëd icquido chiec.

Mateo 25:13 Referans Kwoze

Tesadonica 1 5:6

Ushquin tantienquio yacbimbuen utsibon Nuquin Icbo Esus tantiatiapimbo iquec. Adec tabadenquio icnuna. Esus tantienquio yanmane, queshun nuqui icsate bunaid nainquio icnuna. Nuquin Icbo Esus chosho iste bunquin cainec bëdambuec tabadnuna.

Esusën Uan ismiaid 16:15

Aden ismebocshobi Esusënquio naden chuiposhi: Mimbi: Nëbimbobi aid choec, cacmaidquio ampe choacbimbuec choendabi. Ushenquio yacbimbuen ubi ënenquio icquin tantiec dashcute dasiuidacbimbuec icta. Dashcute dasiuidambo icsho icsambuen isnushe, quiash dasiuidacbimbuec icta, quequin chuiposhi.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Codinto 1 16:13

Icsamane, queshun isucunacbimbuen chieshtoenquio icquin Esus tantiaquidquio icta. Adecbidi natiamiantequid icnuc dacuëdenquio yec chieshtoenquio yec tabadta.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.

Mateo 24:50

Aden nabanec: ¿Nëbida cun icbo chopeba? quequin tantienquio icnubien aton icbo chopec.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.

Timoteo 2 4:5

Aidën nacpadombuen nainda. Nuquin Papan Chiaidquio bëdambuen tantiaquid yec bëdambuec tabadta. Adsho utsibon natiamequin chieshënaqui chieshtoenquio icquin Esusquio tantiata, mado. Adembidi Nuquin Papan Chiaid Bëda Esusën naid Esus tantiesabo chuibanta. Esus chuibanquidën nadoquid, caidtedi nabanta, mado.

Hechos 20:31

Adquid Esus tantiec iccuededquido cuëshëdmequid neque. Adquid tantienda. Adquid yanendac, quequin seta 3ted matanmec mibëd tabadquin ënenquio icquin shubiquimbi mibitedi chuibanondambi.

Mateo 25:12

caquien chido bedquidën: Padi. Umbi isacmaidombo mibitedi nec, caposh.