Mateo 25:10 - El Nuevo Testamento en matsés

¹⁰ Adoac bëchi bedec nidambien chido bedtanec dada choposh. Chosho isash bëdambuen tantiaquido aton tabote taboshon chido bedtanec choquid bëquedash aidobëd nidposh. Adash puduedshun puduedtiapimbo icnuc shëcuë bëtashte shëcnandoposh.

Mateo 25:10 Referans Kwoze

Ducas 13:25

Adquid icnuc shubu Icbon shëcuë bëtashan umanuc tabadquin shubu icbo chuiquin: Ubi puduedme, quequin cumapenen cuëmbededendac. Adoaquien: Umbi isacmaido mibitedi nec, caindac.

Petedo 1 1:13

Aden umbi chuibued tantiashun Esus tantiaquido icquin bëdambuen chiaidquio tantiata. Mibi icsate bunacpadec icsainquio yec tabadta. Nuquin Papa bëdamboshëcquid icquin abi yacno tabadmenuen: Bedtan, cac Esuquidistun chouashun abi tantiaquido beduanendac, quequin ënenquio icquin tantiata.

Mateo 24:44

Adquiecbidi Matsesën Tishaid yec ampe choacbimbuec chosho: Umbibi tantienquio icchitomane, queshun chieshtoenquio icquin ubi tantiaquin cainta, quepondash Esus.

Esusën Uan ismiaid 22:20

Ma aidtedi tantianu, quequin ubi chuibanquid yec: Ai, nëbimbobini nidaid yacno budendac, queposh. Adsho tantiashun: Amen. Ai, abimbo mimbi caique. Chota, Cun Icbo Esus. Capombi.

Mateo 25:6

Adshumbic inchësh poctsenquio cuëntuidsho tantiashun: Choeque. Baded bëquednu nid, caquien isucunshun bëdambuen tantiaquidon ambi bëbued bëchi cushtonobien

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.

Codosas 1:12

Mimbi bëdambocquid icmebanac icsambocquid nibëdacno mimbi namiacno uëshëmboshë yacno mibi tantiaquid utsibobëd mibëdi tabadendabi, quequin tantiec: Nuquin Papa bëdambo iquec, quec cuishonquendac, Papa, quequin Nuquin Papa chiannembi.

Mateo 7:21

Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.

Mateo 24:42

Aden umbi chuibued tantiashun: ¿Nëbida cun Icbo chopeba? quequin ënenquio icquin ubi tantiata. Ubi chote uëshë mibitedishun tantienquio iqueque.

Mateo 24:43

Tantia. Chuinu. ¿Nëbi ampequid choshon cuna ampec, quequinda shubu icbon tantiapadic? Padenquio. Tantiaquidënquien: Ampe choshon cuna bedtsiash, queshun atona bëdambuen isquin ampemenquio ictsiash.

Ducas 12:35

Aden chuishumbic Esusën utsi chiacbimbuen nadopanëdash: Aton icbon aton chido bedshun dadpen pemiacno uanno isec nidan: Cun icbo chonoshe, quiash dasiuidacchobi ushenquio icquin tabote dëbedtonequin: Cun icbo choquin shëcuë toshtoshcasho badedquio puduedmeshun nashunnu, quequin aton iuabon caimposh.

Esusën Uan ismiaid 19:7

Nuquitedi cuishonquequionona. Mibi bëdamboshë iquec, Papa, canuna. Adembidi: Mibi bëdambo iquec, Icbo, canuna. Dadan aton chido buntacquio beduanacbimbuen Obecabimbuecquidën abi tantiaquido beduanshun abi yacno tabadmendac.