Mateo 24:30 - El Nuevo Testamento en matsés

³⁰ Adnubien Matsesën Tishaid yec ubi chotequid icnuc abuc ismiantequid icsho isbededendac. Adsho isash nidaidën tabadquido matses abitedimbo dacuëdec natiaquiec shubiquiendac. Adnubini Matsesën Tishaid iquequi abitedishun Icbo yec nadatiambo icquin nabanquidquio yec bëchamauanquiec abu ushu yacno ubi chosho isbededendac.

Mateo 24:30 Referans Kwoze

Esusën Uan ismiaid 1:7

Esuquidistu abu ushu yacno choendac. Adec chosho matses abitedishunquio isendac. Aden cun matsesën ambi mëyanquin uënës uameshun ambi podo ansebuedquio Esus chosho isendac. Padtemboshë, ashibi cuidpec, quetanec abi cuidte tantiec dacuëdec natiaquiec shubiendac. Esus tantiesabo utsibotsen adecbidi abi cuidte tantiec natiaquiec sedenquec shubiquiendac. Adtequidquio iquendac. Amen.

Hechos 1:11

Nidaid Cadidea yacnouësh choquido ¿atotsi quiash abuc isec tabadec ne? Abuc indosho mimbi isbued Esus abu ushun choec budsho mimbi padpiden isuaindac, quepanëdash abuc isbededec tabadquido chiec.

Mateo 26:64

Esusën: Ai, mimbi chiaidquiobi nebi. Tantia. Mibitedi chuinu. Matsesën Tishaid yec abuc niduash Nadatiambocquidën dayun abiucquio tsadsho mimbi isendac. Adembidi abucuësh abu ushu yacno ubi chouasho mibitedishun isendac, quepanëdash Esus.

Ducas 21:27

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec uëshëmbo iquec nadatiambocquin nabanquidquio yec abu ushun ubi chosho matses abitedishunquio isbededendac.

Mateo 24:3

Adanec nidequi macuësh Odibos caid yacno poctsebi tsadtuidshun abëd icquido choshon utsibo tantiamenquio icquin Esus naden chuipondash: Mimbi chuibued ¿tedictsishun chicchicpec? Nëbi choec, quequin mibi chote ¿mitsipadembimbi tantiapatsia? Adembidi ¿atotsi isashini: Nuquin Papan abitedimbo cuidte nëbi yanec, quepatsia? En chui. Tantianu, capondash abëd icquidon.

Tesadonica 2 1:7

Aden nuqui natiamequin chieshënquido Nuquin Papan cuidendac. Adoac nuqui natiametiapimbo iquendac. Abëd icquido ambi nadatiambocquin namiaidobëd cute nëdënquequidbimbuec isadec abucuësh choshon Nuquin Icbo Esusën adoendac.

Madcos 13:26

Adnubini Matsesën Tishaid yec ubi dasiuidaid bëchamauanquiec uëshë chënquiacbimbuec nadatiambocquin nabanquidquio yec abu ushu yacno chosho matses abitedishunquio ubi isbededendac.

Ducas 22:69

Tantia. Chuinu. Matsesën Tishaid yec nidaidën tabadbuedi nëbimbobi Nuquin Papa nadatiambocquidën dayun abiucquio tsadendabi, quepanëdash Esus.

Madcos 13:4

Icbo, Mimbi cuënote nacnenaid chicchicte chuibued ¿tedectsicshun aid chic chictequid icpec? Adembidi aid tauanun ismete ¿atotsi icuapec? Tantianu. Ubi chui, capanëdash.

Mateo 24:37

Ubi Matsesën Tishaid caic matses: Nëbi choec, quetiapimbo icnubini padpidec chouaindac. Noen cano dapa nacnennubi ¿mitsipadec aton matses tabadpampic?

Mateo 24:39

Aton matses: Nëbimbobini Nuquin Papan cuidchitec, quenquio icnubi ue dapambo sequec mauanquidën matses abitedimbo maboccac uënësbudnepampic. Adnubi Noe ambi cano dapa anshubu uaidën nuadtopampic. Adquiecbidi Matsesën Tishaid ubi icsho: Aid choec, quequin tantienquio icnubini chouaindac.

Esusën Uan ismiaid 12:1

Adoshombic abuc ismiantequid utsitsen dacuëdampambocquid ismeuaposhi. Adoac chido uëshë dasiuidacbimbuec bëchamauanquiecsho ispombi. Inchëshën uëshë tincash tsadposh. Uispa 12ted tabëcquin nacnenaid mauete maueposh.