Mateo 23:38 - El Nuevo Testamento en matsés

³⁸ Adsho issun Nuquin Papan mibitedi nianquiendac. Abi tabadte shubu nianquinc, mibi tabadaid nianquinc caic mibi cudasenquio iquendac.

Mateo 23:38 Referans Kwoze

Ducas 13:35

Adsho issun Nuquin Papan mibitedi nianquiendac. Adoac Nuquin Papa tabadte shubun matses nibëdquio iquendac. Ubi nidacsho mibitedishun ubi iuen isenquio iquendac. Adshumbic iuecshun mibitedishun: Ambi Chomiaid Nuquin Papan bëdambuen isaidquio bëdambo iquec, quequin ubi tantiec tabadnuc padpidec chouaindabi, quepanëdash Esus.

Ducas 21:24

Edusaden yacnocquido utsi utsien chështen seshun secaquin cuessunnendac. Utsi utsien bedshun nidaid utsi utsiec yacno buanshun matses utsibon iuaid iquendac. Nuquin Papa tantiesabo icquin matses utsibon Edusaden uesquin nibëdanmendac. Nuquin Papa: Aden namenu, quenuc adec tabadendac. Padi. Aidtedi namiombi, quenuc nidendac.

Ducas 21:20

Adecbidi shubu dadpen icquid Edusaden yacno sondado dadpen chochoshon tsicatetuidsho isash: Edusaden ambocquidbëta nibëdanmete uëshë nëbi nec, quequin mimbi tantiendac.

Ducas 21:6

Adoaquien: Nëbi mimbi isaidquio cuënote bëdambuen nacnenaid chicchicte uëshë chonoc matses utsibon nibëdquiecnuc abitedimbo chicchiquendac, quepanëdash Esus.

Madcos 13:14

Adnubien Nuquin Papa chieshënte uëshë choendac. Aid chonoc Nuquin Papan oncamiaid Daniedën aden icsambuen nate chuiquin Nuquin Papan Chiaid dada uapampic. Aidën dada uampid isbanquidën mimbi tantiendac. Ubi tabadte shubu yacnoshon adotemaidquio nec, caidi pichicate dayunshun icsambuenshë nabanquid icsho isash: Cuessunnenushe, quiash nidaid Udea yacnocquido macuësh tapa yacno ompodec cuenac bëdambo ictsiash.

Mateo 24:2

Adsho tantiashumbien Esusën: Abimbo chuinu. Tantia. Mimbi isaidquio cuënote bëdambuen nacnenaid matses utsibon nibëdquio icnuc chic chiquendac, capondash.