Biblia Todo Logo
Bib sou entènèt

- Piblisite -




Mateo 23:35 - El Nuevo Testamento en matsés

35 Adosho issun Nuquin Papan mibitedi cuidendac. Nuquin Papan chiacpadec bëdambuec tabadsho tsusedpan chieshënquin intac mëyanmequin tauambuen Abed cuessunnepampic. Adembidi bëdambuec tabadsho tsusedpa utsibon utsi utsien cuessun secapampic. Adoshombic ënquimbi Bedequias caidën mado Sacadias cuëmëdquid cuessunnepampic. Aidi Nuquin Papa tabadte shubu dapa në icnuc udictsëc nëish iua pichicate icnuc nënantanshunquio intac mëyanmequin Sacadias cuessunnepampic. Aidtedi cuessun secampido tantiaquin aid cuessunnequido cuidacbimbuen Nuquin Papan mibitedi cuidquiendac.

Gade chapit la Kopi




Mateo 23:35
22 Referans Kwoze  

Ëndenquimbo Abedën Nuquin Papa tantiaquin: Mibi bunacpadombuen cun nëish iua cuessunneshun pichicanu, quequin bëdambuen chuishun pichicasho issun Nuquin Papan bëdambuen isaidquio Abed icpampic. Aton buchi Cainien ambi chiacpadombuen nainquiocquin tiedën icquid pichicasho issun Nuquin Papan icsambuen isaid icpampic. Abed uënësampid icnubi Abedën Nuquin Papa tantiaquioquin nampid chiannetequidquio abi iquec.


Nuquin Papan aden cuidabi icnuc Babidonia yacnocquidon Nuquin Papa chieshënquin ambi oncamiaidobëtabi abi tantiaquido dadpen cuessun secapampic. Adembidi chieshëmënquido icquin utsibo dadpenquio cuessun secapampic. Adquido icsho Nuquin Papan uesquin cuidquin naic, queposh Nuquin Papabëd icquid.


Adecbidi Esus yacno choacbimbuecquido mibitedi nec. Aidi Nuquin Papan Ambi Chiaid chuca namiaid icquin Nuquin Papa matses bëdambuen ismequid nec. Esus abided cuidadec uënësaid intaquën matsesën icsambuen naid ucacbimbuen bëshunmequin Nuquin Papa nuquitedi bëdambuen ismec. Padnuen Abed intac chiquidiquec uënësaidën Nuquin Papa matses bëdambuen ismetiapimbo icpampic. Esus abided cuidadec uënësaidëmbien Nuquin Papa matses bëdambuen ismendac.


Tsusedpan abia Abed cuëmëdquid cuessunniampid icnubi tsiuecquio Sacadias cuessunnepampic. Aidi Nuquin Papa tabadte shubu dapa yacnocquid Nuquin Papa ismequin nëish iua pichicate dayunshunquiobi aidon cuessunnepampic. Aden ënden nampidbëta nëbi mimbi icsambuen naid tantiaquin mibitedi cuidendac.


Esus chuibennenda, caqui Esus chuibanquin Edusaden yacnocquidtedi mimbi tantiamebanec. Adoquimbi: Chuiquidon Esus chieshënquin uënës uamepondash, quequin mimbi umbi naid chuibanec, quepanëdash.


Swiv nou:

Piblisite


Piblisite