Mateo 22:5 - El Nuevo Testamento en matsés

⁵ Nidenquio iquebi, queposh. Adash abentsëc aton tied nantan nidnubi utsi: Piucquid bednu, quequin ambi atona menebante shubuno nidposh.

Mateo 22:5 Referans Kwoze

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.

Timoteo 2 3:4

Nëidic bëdambocquid danmianashi mua uanquido. Nëidic bëdambuen tantienquio icquin ambi natemaid naquido. Nëidic: Ubiuidtsëqui bëdambo iquec, quec abibi datantiadquido. Nëidic ambi naiduidi bunquin Nuquin Papa tantiesabo.

Doma 8:6

Aden abi bunaiduidi tantiaquin naic icsambuec tabadquid uënësacsho ënenquio icquin cuidacno nësecaindac. Nuquin Papan Mayan Bëdan tantiamiacpadec tabadquidien dacuëdenquio icnuc abëdi tabadmendac padpidec uënëstiapimbo icnuc.

Doma 2:4

Ambi uaido matses abitedishun icsambuen nasho isash uënësquio icquin aido bëdambuen iste bunquin icsambuen naquidobi Nuquin Papan baded cuidenquio iquec. Icsambuen nabuedi nëbi Nuquin Papa tantiate bunec: Ambi chiacpadec bëdambuec tabadte bunebi, quequin ma ambi icsambuen naid ënshun ubi tantiabennu, queshun Nuquin Papan matses baded cuidenquio iquec. Adquid icshobi Nuquin Papa tantiate bunenquio mibi iquec.

Hechos 24:25

Aden chuibanquin nadembidi chuiuapanëdash: Icsambuen nainquio yec utsibobëd bëdambuec tabadta. Adembidi: Icsamane, quequin Nuquin Papan chiacpadenuidi nabanquin mibi bunaid nainquiocquin ënta. Adembidi Esus tantienquio icsho chian annëdënquequid Nuquin Papan nësecanushe, quequin Esus tantiata, quequin Pabadon chuibampanëdash. Aden chuibanac dacuëdtanec: Umbi nabante nibëdnuc padpiden mibi chuimenuen chomeuaimbique. Nidec nid, capanëdash Uedisën.

Hechos 2:13

Adnubien utsi utsien icsambuen chuishunec: ¿Bëdambuen tantiec onquepequida nepec? Acte paë uaid acash tantienquio yec nepanui, quecuededpanëdash.

Mateo 13:22

Pete ëshë utsi nisanquid dadpen dëyucaid yacno paëdaidbimbuecquid nad iquec. Nuquin Papan Chiaid chuibansho tantiashun ambi dadpen tantiaiduidi tantiec chieshtoendac. Utsibic ambi bedteuidi tantiaquin nabanec abibi mua uadec chieshtoshon tantienquio yanuaindac. Adquido Nuquin Papan Chiaid tantiesabo yanshun bëdambuec tabadaid utsibo tantiamenquiocquid yanendac. Adquid nisanquidën bëtinac bacuëtiapimbo yacbimbuecquido nec.

Mateo 22:4

Adsho issumbien chuiquid tapan aton iua utsibotsen nidmiac chuituidec: Nëish iua nua bëchichoquidquio dadpen cuessunemeshun codocaccoshe. Pec cho, quequin chuituiduaqui:

Mateo 22:6

Utsibombic abi: Pec cho, cashobi iuabo bedshun mëyanquioquin cuessun secaposh.

Uanën dada uaid 2:16

Adotanquimbic oshpodcobiecquid menequin piucquid bedquidotsen chiec: Baded mitsana buanec nid. ¿Piucquid bedec tabadnuen shubu uaidta nedic? Ma Cun Pa tabadte shubu dapa neyoc, quequin chushcapondash.

Petedo 2 2:3

Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.