Mateo 22:18 - El Nuevo Testamento en matsés

¹⁸ Aden chuisho tantiashun chobuedën: Icsambuen chuimenu, quequin tantiaid tantiaquid icquin Esusën nadopondash: Bëdambo icquid danmianquido yec mibi muambo nec. ¿Atotsi queshun ubi icsambuen chuimetiadquio ique?

Mateo 22:18 Referans Kwoze

Uanën dada uaid 8:6

¿Atotsi Esusën chieque? Nuquin Papan chiampidquio chienquio icsho: Mimbi icsambuen chiec, catiad, queshun: ¿Adembidida mimbi tantie? capondash. Adoaquien Esusën ëcbedenquio icquin shuebudshun mëdante dëshbin nidaidën dada uapondash.

Uanën dada uaid 2:25

Utsin chiambobi ambibi matsesën tantiaidtedi tantiaquidquio yec Esus adpondash.

Ducas 5:22

Aden aidon otacquio tantiaid ambibi tantiashumbien Esusën naden chuipanëdash: ¿Atotsi quequin mibitedishun icsambuen tantiape?

Esusën Uan ismiaid 2:23

Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.

Hechos 5:9

Adsho tantiashumbien Petedon: ¿Atotsi queshun Nuquin Papan Mayan Bëdan ubi muasho tantiatsiash, quequin tantienquio icquin min bënëbëtambi min piucquid abitedi menianacbimbuec meniano? Nëbi min bënë chococatambued caniabon mibitsen buanendac, quenubi

Ducas 20:23

Aden chuisho tantiashun aidon: Icsambuen chuimenu, quequin tantiaid tantiaquid icquin Esusën nadopanëdash:

Ducas 10:25

Adnubien Moisesën chiampid tantiamequid abentsëc Esusbëd onquenuec nidash: ¿Tantiaquidquiobida Esus neque? Tantiabono, queshun: Icbo, tantiamequidquio icquin en ubi chui. ¿Nuquin Papa yacno ënëdenquio yec tabadnuen atotsimbi nape? capanëdash.

Ducas 9:47

Adsho ambibi tantiashun Esusën bacuë abentsëc bedtanquin aton dayunquio tsadunash:

Madcos 12:5

Adoacsho issumbic: Cun uba bedtan, quequin aton iua utsitsen nidmeuaposh. Aidi tied icbo neshcashunquidon cuessunneposh. Adoacsho issun tied icbon adenuidi aton iuabo dadpen nidmiaid abi tied neshcashunquidon utsi utsien cuesquin mëyanquimbi utsi utsien cuessun secaposh.

Madcos 2:8

Aden aidon tantiaid ambibi tantiashumbien Esusën naden chuipanëdash: ¿Atotsi quequin mibitedishun icsambuen tantie?

Mateo 19:3

Adnubien Esus yacno choshon padiseobon Esus chieshënquin: Nuquin Papan Chiaid icsambuen chuimenu, queshun Esus naden chuituidpondash: Aton bënën aton chido icsambuen nabi icshobi ambembi chuiquin dada uashun cuenmiac ¿ada bëdambo icpatsiash? capondash.

Mateo 12:15

Adnubien Esus: Ubi cuessunnemete bunec, quequin tantianec auëshquiobi puduanec nidpondash. Nidsho issumbien matses dadpenshun tsibanampondash. Adshumbic aidon bëbëaid daicsaidobëta nënquidotedi bëdanmebampondash.

Mateo 22:17

Adquid icquin ¿atotsi mimbi chuipe? Tantianu. Chui. Nuquin matses iuaquid chuiquid tapa Sesad caidën: Piucquid shocosh tsasi icquid dadpen bec cho, quesho ¿ada aid meniac bëdambo icpatsiash? capondash.

Mateo 22:19

quetanquin chuiuaquin: Chuiquid tapa menetequid piucquid shocosh tsasicquid isnu. Bec cho, cac