Mateo 22:13 - El Nuevo Testamento en matsés

¹³ Adshobien chuiquid tapan: Chido bedacno isnuec dashcute bëdaidquio dasiuidquid, quepadennec. Mibi icsambo iqueque. Mibi cuidnu, queshun aton iuabo chiec: Mëtanetanquin tataneshun buanshun inchëshquio yacno netan, cac netanac mëyadec natiaquiec shëta chëquëdëshquec shubiquioposh.

Mateo 22:13 Referans Kwoze

Mateo 8:12

Padnuen isadaidbo dadpenquio Nuquin Papan namiacno tabadtiadquidi puduedtiapimbo iquendac. Aido abi tantiesabo icsho chian annëdënquiacno nësecac mëyadec shëta chëquëdëshquec natiaquiec shubiquiendac, quequin Esusën chuipanëdash.

Mateo 25:30

Aid iua tantiesa yec chieshquid icsho cuidquin inchëshquio yacno netan cac netanac natiaquiec shëta chëquëdëshquequiec shubiquiendac, quepondash Esus.

Petedo 2 2:17

Aidotedi muaquin tantiamequido yec acte chomenuen uëdëshcashun nacnenaidi acte nibëdquio yacbimbuecquido nec. Adecbidi abu chëshë cunquequidën tsidunacbimbuecquido nec. Adquido icsho Nuquin Papan cumapenec mëyadnuc cuidquin inchëshquio yacno nidmequin ënëdenquiocnoc cuidendac.

Petedo 2 2:4

Ëndenquimboshë nidaid uabi icnuc Nuquin Papabëd icquidon utsin utsinquien: Umbiquien abitedi namenu, quequin abi dëniacte bunsho issun Nuquin Papan inchëshquio yacno nidmeshun uidënuaquin bëtashpampic. Iuecshun abitedi cuidte uëshën chian annëdënquiacno nësecanumbi nabono, queshun adopampic.

Tesadonica 2 1:9

Abi yacno puduedmenquio icquin icsambuen naquido ënëdenquio yec mëyadnuc cuidacno nidmendac cuentiapimbo icnuc. Adoac Esus abitedishun Icbombo yec bëchamauanquiec bëdamboshë isadsho isequi aidbëd tabadtiapimbo iquendac.

Ducas 13:28

Aden chiaqui Abadauan yec Isac yec Acobo yec Nuquin Papan oncamiaidotedi yec quec Nuquin Papan namiacno tabadsho isash Nuquin Papa tantiesabo yec ambo puduedtiapimbocquid yec mëyadtequid iquec shëta chëquëdëshquiec mibitedi natiaquiec shubiquiendac.

Mateo 24:51

Adec choshon ambi chiacpadombuen nainquio icsho istuidshun: Icsambo iquec, queshun cumapenquien cuidendac. Adombuembidi Nuquin Papan icsambuen naquido cuidendac. Bëdambo icquid danmianquido cuidacno matses mëyadtequid yacno nidmendac. Adoac natiaquiec shëta chëquëdëshquec shubiquiendac, quequin Esusën chuipondash.

Mateo 13:50

icsambo icquido chian annëdënquiacno nësecaindac. Adoac: Ubi cuidec, quiash shëta chëquëdëshquec natiaquiec shubiquiendac, quequin Esusën Nuquin Papan cuidte chuipondash.

Mateo 13:42

bedshun chian annëdënquiacno nësecaindac. Adoac: Ubi, quec natiec mëyadbudec shëta shëchëdëshquequiec sidquebudnendac.

Esusën Uan ismiaid 21:27

Ambo Nuquin Papan: Icsambuen naic, caido puduedtiapimbo iquendac. Ambi papa canun nacnenaid tantiaquido adecbidi puduedtiapimbo iquec. Obecabimbuecquid tantiaquidoen puduedendac. Aden tantiaquid icsho: Cun Pa yacno tabadmetequid nëid nec, queshun dadauate dapan aton cuëmëdquid dada uaidouidtsëqui ambo puduedendac.

Udas 1:13

Aido acte dapa cumapenec bocquec tëccuasquequidën cuëmano nushanuaquin icsa uacbimbuen icsambuen naquido nec. Aido uispa chënquebuedi bënnudacbimbuen bëdambuen tantiamenquiocquido nec. Adec muasho cuidquin Nuquin Papan puduentiapimbo yec inchëshquimboshë yacno nidmendac.

Udas 1:6

Adecbidi Nuquin Papabëd icquidobi Aidën Chiaid niac niacte buncuenash Nuquin Papabëd icte bunenquio yampampic. Adsho issun aidotedi puduentiapimbo yec inchëshquioshë yacno nidmequin Nuquin Papan bëtashpampic. Mibitedi icsamboshë iquec, queshun abitedi cuidte uëshën cuidquionombi adopampic.

Hechos 7:54

Adec Esteban onquesho tantiash isadaidbon chuiquido shëta chëquëdëshquequiec nëishquioshon chieshënquin chushcapanëdash.

Mateo 13:30

Ma aidbëdi caniec ëshëpanuna. Ëshëacsho issun abitedi bednun nanuna. Adoshombic icsambo icquidba tsindobanshun nëdëncanun nanuna. Adotanquimbic petembo bedshun sandoshon pete dayun uate shubun sannun nanuna, caposh tied icbon, quequin Esusën chuipondash.

Mateo 12:29

Adshumbic naden Esusën chuiuapondash: ¿Mitsipaden dada uidënquiocquidën shubun puduedshun atonatedi ampeshumpatsiash? Shubu icbo dataneshunuidtsëqui atonatedi ampeshuntsiash, quequin Esusën chuipondash.

Hechos 21:11

Adec choshon Pabadon tsipante bedshun Pabado tatanetanquin mëtanetanec Acabo nadpondash: Nuquin Papan Mayan Bëdan naden chioshibique. Tantia. Chuinu. Umbi chuibocpadombuen isadaidbon Edusaden yacno tabadquidon nëid tsipante icbo bedshun tatanetanquin mëtaneshun buanshun isadaidpembo menendac, quepondash Acabo Pabado chiec.

Uanën dada uaid 21:18

Adshumbic Petedobidi chuiuaic: Tantia. Utsitsen abimbo chuinu. Cania yec min dashcute mibibi tsisiuidtennec. Adanec mibi bunacno mibi nidtenniondac. Tsësiobudtsacshoen tsiumeshun utsibon ëquë mëdimbudcuentsëcshun mibi nidte bunacmanombo mibi buanendac, quepondash Esus.