Mateo 21:38 - El Nuevo Testamento en matsés

³⁸ Aden nidmiac ancuenquio chosho isash: Is. Tied icbon madombo choeque. Aton papa uënësan aton papa yacpadecbidi tied icbo yantsiashe, queshun tied icbo nuquimbo icnun aidi cuessunnenuna, queshun

Mateo 21:38 Referans Kwoze

Ducas 20:14

Aden nidmiac ancuenquio chosho isash: Tied icbon madombo choeque. Is. Aton papa uënësan aton papa yacpadec icbo icuanushe, queshun tied icbo nuquimbo icnun aidi cuessunnenuna, quecuededposh tied neshcashunquido.

Ebedeo 1:2

Nëbien abipadquidquio tsiuec choshon Nuquin Papan chiacpadombuen aton Madonquio chuibampanëdash. Aidëmbi aton Papabëtan abuc icquidtedbëta nidaidën icquidtedi uapampic. Adshumbic Nuquin Papan ambi uaidtedishun Icbombo icmepampic.

Mateo 21:34

Adash iuectanneshumbien abëd nidondaido aton iuabo chuiquin: Nëen uba sinashe. Cuna cuëstan, cac aton iuabo nidanneposh.

Mateo 21:37

Adoacsho tantiatanquimbien aton madombotsen chuiquin: Bedtan, quequin nidmeposh. Ma cun mado bëdambuen isquin cuessunnenquio icquin umbi chetequid menenu, queshun aton madombotsen nidmeposh.

Mateo 21:39

chosho bedtanquin tied tsitsuno tied icbon mado buanshun tied icbo neshcashunquidon cuessunneposh, quequin Esusën chuibampondash.