Mateo 21:32 - El Nuevo Testamento en matsés

³² Uan acten mentoandennedën Nuquin Papan Chiaid chuiquin bëdambuec tabadte chuipadennec. Adsho mibitedishun tantienquio icnubi mimbi: Icsambocquido nec, caidombi Nuquin Papa tantiabempanëdash. Adsho issun Uan padon chiacpadombuen mimbi icsambuen naid ëntiadquidi mimbi ënenquio iccondac. Aton papan chiaid niacquidbimbuecquid mibitedi nec, capondash Esusën abi chieshënquido chuiquin.

Mateo 21:32 Referans Kwoze

Mateo 21:25

¿Tsuntsin namiac Uan padon acten mentopadennec? ¿Ambembida napadennec? ¿Nuquin Papan namiacta napadennec? capondash Esusën. Adoaquien badedquio chienquio yec uannotantsëc tabadec onquecuededpondash Esus chieshënquido. ¿Atotsi nuqui chiendac? Nuquin Papan namiaidquio Uan pado nepadennec, cac Esusën: ¿Atotsi queshun aidën chiacpadombuen nainquio icconda? canushe. Aden chienquien ictiad.

Petedo 2 2:21

Ënden Esus chuibanac aido: Aid tantiembi, quebuedombi aid tantienquio yanec icsamboshë yansho issun: Esus tantiembi, quenquio icpatecnëdan, caimbi.

Esusën Uan ismiaid 2:21

Adsho issun aid chido: Ma ambi icsambuen naid ënshun Nuquin Papa tantianu, queshun badedquio cuidenquio iccombi. Adoaqui ambi icsambuen naid ënte bunenquio yec abi piucquid bedec chudadposh.

Ebedeo 3:12

Tantia, cun utsibo. Bëdambuen tantiec tabadta. Uënëstiapimbocquid yec Nuquin Papa abi iqueque. Nëbi aidën chiacpadombuen nanuna, quebuedi: Tantiesa yanshun icsambuen naic cuëshëdchitomane, queshun ënenquio icquin Esus tantiaquiota.

Timoteo 2 2:25

Esus tantiesabon: Mimbi Nuquin Papan Chiaid chuisho tantiatiapimbo iquebi, caqui adembi chieshtoenquio icquin Nuquin Papan Chiaidquio mimbi chuibanendac. Nuquin Papan Ambi Chiaidquio tantiamiac: Icsambuen naombi, quequin ma Esus tantiesan tantiabennu, quequin abi chuibanendac.

Mateo 11:18

Uan acten mentoanquid pete utsi utsien pesa niondash. Adecbidi acte paë uaid aquesambo niondash. Adquid icsho isash: Podobitsi icsa dapuduedashien nechitec, ma mibitedi quepondac.

Mateo 5:46

¿Mibëd tantiananquidouidtsëqui tantiaquin mimbi nashunsho issunda Nuquin Papan: Bëdambo iquec, queshun mibi nashumpec? Padenquio. Mimbi: Icsambo icquido nec, caid piucquid bedshumënquidombien aton shubun icquidouidtsëqui tantiaquin nashuneque. Aden nainda. Utsibotsen tantiaquin bëdambuen nashunta.

Mateo 21:31

¿Mitsicquidën aton papan chiacpadombuen naoshe? En chui. Tantianu, caquien Esus chieshënquido: Abia chiac chieshuidbuedën, quesho tantiashumbien Esusën: Adquidpenquien mibitedi nec. Mibitedi tantiatiapimbo yec tabadnubi mimbi: Icsambo iquec, caido Nuquin Papa yacno puduedendac. Chieshuidacbimbuecquid aido nec. Aton matses piucquid bedshundednedo yec piucquid bedec chudadquid chidobo yec quec icbuedi Nuquin Papa tantiabenash aidbëd tabadtequido yanendac. Mibitedien padenquio iquendac.