Mateo 21:28 - El Nuevo Testamento en matsés

²⁸ Adshumbic Esusën utsi chiacbimbuen padpiden chuipondash: Tantia. Mibitedi chuinu. Umbi chiaid tantiashun ¿mitsicquid: Bëdambo iquec, catsia? Dada aton mado daëdpambo icquid icposh. Abentsëc chuiquin: Neshcaic nid, mado, caquien:

Mateo 21:28 Referans Kwoze

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Codinto 1 10:15

Mibitedi tantiaquidombo nec, queshun mibi chiec nebi. Aidën chiaid abimbo iquec, quequin tantiec mibibi datantiadta.

Mateo 20:1

Adshumbic ubitedi Esusën utsi chiacbimbuen naden chuiuapondash: Tantia. Ubi tantiaquido Nuquin Papan namete mibi chuinu. Badiadnubi tied icbo nidquin piucquid menequin aton tied neshcamenuen matses istuidnuec nidposh.

Madcos 13:34

Nad iqueque. Tantia. Chuinu. Nidaid utsi yacno nidnun aton icbon aton iuabo chochomeshun utsi utsien naden chuiposh: Bëdambuen shubu isquid icta, quequin chuishumbic puduedte shëcuë isquidtsen: Bëdambuen Ista, quequin chianec nidposh. Adec icbo nidan icbo chote uëshë tantienquio icquin ambi chiacpadombuen naquid icposh.

Ducas 13:4

Tantia. Chuinu. Shubu dadpen icquid Edusaden ënëdacno Sidoe yacnocquido ambi abucquio icnuc shubu uaid uebudec chimeshadquin matses 18ted cuesac uënësosh, quiosh. Edusaden yacnocquid utsibon bëdiactsëc icsambuen nanuc Sidoe yacnocquido icsambuenshë naquid yec uënësash ¿quequinda mibitedishun tantie?

Mateo 21:33

Adshumbic Esusën: Utsi chiacbimbuen naden chuipondash: Tied Icbon aton tiedën ubauidquio nitsinshun tsicatequin daquënë uashumbic iuecshun sinacsho bedshun ma chinnu, quequin chintequidtsen nacnemposh. Aden nacnenshumbic: Uba ampenushe, queshun isec tsadte shubumpi abucquidtsen shubu uaposh. Aden aid shubu uashic: Nidnu, quequin abi nashunquidotedi chuiquin: Uba dadpen bednun ubi neshcashunquin ista, quequin chianec icbo nidposh.

Mateo 17:25

Petedon: Ai, menetsiash, capanëdash. Adanec nidec shubun puduedshobien Esusën ambia Petedo naden chuipondash: ¿Mitsi paden tantie? Simon. Aton matsesëna nacnenmenuen ¿tsutsi chuiquid tapabon piucquid bedshumpec? ¿Ada aton matses piucquid bedshumpec? Aido bedshunenquio icquin ¿ada matses utsibon aton iuabo piucquid bedshumpec? caquien

Mateo 22:17

Adquid icquin ¿atotsi mimbi chuipe? Tantianu. Chui. Nuquin matses iuaquid chuiquid tapa Sesad caidën: Piucquid shocosh tsasi icquid dadpen bec cho, quesho ¿ada aid meniac bëdambo icpatsiash? capondash.

Mateo 21:27

Adshumbien Esus padpiden chiec: Tsaudi. ¿Tsundan namiaquien nachitondash? queshobien: Mimbi chienquio yacpadembidi umbitsen ubi namequid chienquio iquembi, capondash Esusën.

Mateo 21:29

Padi, quec chieshbuedi iuec iuecpactsëctanec: Tiedimbi neshcatanchitec, quiash neshcaic nidposh.