Mateo 21:19 - El Nuevo Testamento en matsés

¹⁹ Adec bundoshon podquied cuëman nidquid cutempi icueda caid istuidash: ¿Ada bacuë iqueque? Chenun isbono, quepondash Esus. Adshun isac podouidquio yec bacuë nibëdsho issumbien Esusën: Adequi bacuëesa yec uënësta, capondash. Adoac bidiquec badedquio uënëspondash.

Mateo 21:19 Referans Kwoze

Tito 1:16

Aido: Nuquin Papa tantiaquid nebi, quebuedi utsibo ismec Nuquin Papa tantiesabimbuec tabadec. Nuquin Papan Chiaid niacquid yec chieshëmënquido nec. Bëdambuen tantiatiapimbo icquido icquin bëdambuen natiapimbo icquido nendac, Tito.

Uanën dada uaid 15:6

Uba icbon cuidi utsi utsiec bacuëesa icsho pateshun tsindoshon tanunacsho nëdëncaquid. Adoacbimbuen ubi tantienquio yanec ubëd cuëshëdshun utsibo ubi tantiamenquio icsho Nuquin Papan icsambuen naquido cuidacno nësecaindac, quepondash Esus.

Ducas 3:9

Aden chiashic: Cute bacuëesa icsho dëdshun cuidi mëtequin tsindoshon icbon nëdëncaic. Aden nëdëncacbimbuen icsambuen nabanquido chian annëdënquequid Nuquin Papan nësecaindac, quepanëdash Uan.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Madcos 11:14

Adquid icsho issun Esusën: Adequi bacuëesa icsho ma matsesën chenquio icpanuna, quequin chuisho abëd icquidon tantiapondambi.

Esusën Uan ismiaid 22:11

Ma icsambuen naquidon ma adembidi icsambuen napanuna. Ma icsambuen tantiaquidon ambi icsambuen tantiacpadombuen napanuna. Ma bëdambuen naquidon ma adembidi bëdambuen napanuna. Nuquin Papa chiacpadombuen naquidën ma udictsëc Aid tantiaquin ambi chiacpadombuen napanuna, queposh Nuquin Papabëd icquid.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.

Timoteo 2 3:5

Nëidic: Nuquin Papa tantiaquid nebi, quec muaquin aidën chiaid niac niacquido. Adquidtedi: Icsambuen naic tabadquido neque. Adquidobëd onquec tabadenda, caimbi.

Mateo 21:20

Adec uënësso istanec abëd icquido tantiadempambo yec tabadquin: ¿Atotsi quiash badedquio bidiquec uënësposh? capondambi.

Madcos 11:20

Abadiadtsashi Edusaden yacno niduaquimbi cute icueda caid datanquin bidiquec uënësacsho istuidpanëdash.