Mateo 21:17 - El Nuevo Testamento en matsés

¹⁷ Adanec Edusaden yacnouësh nidec shubu dadpen icquid Betania yacno nidash ushtuidpondash.

Mateo 21:17 Referans Kwoze

Uanën dada uaid 11:18

Esus choabi icnuc shubu daëdpactsëcquid Betania yacno cun matsesado dadpen Dasado uënësaid shubiuaquin sedencanuec Edusaden yacnouësh chochopanëdash. Uënësaid yacnouësh podquied nidquid 3 quidometedo cactiontsëc icquidën badedquio chochopanëdash. Chochoash uënësaidën chuchu Madtabëd Madia shubiec sedenquec tabadpanëdash.

Uanën dada uaid 11:1

Adnubien Dasado cuëmëdquid nënec uënëstiadtsëcquio yampanëdash. Aidi shubu daëdpactsëcquid Betania caid yacnocquid nepondash. Aidbëd icquid aton chuchu Madtabëd Madia icpondash.

Ducas 24:50

Adashic abëd icquido buanec nidec shubu daëdpactsëcquid Betania yacno choash nidtuidshun aton mëdante abuc cadoquin ismec: Nëidotedi bëdambuen ista, Papa, quepanëdash Esus.

Madcos 11:11

Adec cuëdëncuededequi Edusaden yacno chochopanëdash. Choashic Nuquin Papa tabadte shubu dapa yacno nidash daquënë uaidën Esus puduedpanëdash. Adec puduedshun abitedi isbanash uëshë budsho istanec Esus abëd icquid 12ted icquidobëd Betania yacno nidpanëdash.

Madcos 11:19

Adnubien inchëshsho istanec abëd icquidobëd Edusaden yacnouësh puduanec Esus niduapanëdash.

Mateo 16:4

Nuquin Papan Chiaid niac niacquido yec mibitedi icsamboshë icquido nec. Adquido iquequi ubi tantiate bunenquio icquimbi: Nadatiambo icquin nabanquin ubi isme, mimbi ubi capec. Adsho nëbi mibitedi ismenquio iquembi. Iuecshumbimbi mibi ismendac. Nuquin Papan ambi oncamiaid Onas nampicpadombuen naquin ismendambi, quianec aido nianec Esus nidpondash.

Ducas 19:29

Adec nidequi macuësh Odibos yacno shubu daëdpactsëcquid Bedpaque caidbëd Betania caid anoentsëqui choash Esus nidtuidpanëdash. Adec nidtuidshun abëd icquid daëd nidmenun naden chuipanëdash:

Ducas 10:38

Adashic Esus abëd icquidobëd nidequi shubu daëdpactsëcquid yacno chosho issun ambocquid chido Madta cuëmëdquidën Esusbëta abëd icquido aton shubun iuedpanëdash.

Madcos 11:1

Adec nidequi Edusaden anoentsëqui shubu daëdpactsëcquid Bedpaque caid yacno Esus chopanëdash. Edusaden anoentsëcbidi shubu daëdpactsëcquid Betania caid icuapanëdash. Aid daëdi macuësh Odibos caidën icquid anoentsëqui icpanëdash. Ambo choshon: Ubëd icquid daëd shubuno nidmenu, quequin tantiec Esus nadpanëdash:

Madcos 3:7

Adnubien abëd icquidobëd Esus chian Cadidea caid yacno nidpanëdash. Adec nidsho issun nidaid Cadidea yacnocquido dadpenshun Esus tsibanampanëdash.

Mateo 26:6

Adnubien Esus shubu daëdpactsëcquid Betania caid yacno choash Simonën shubun puduedshun pec tabadpondash. Simon aton dada daush daushpambo yec daicsaidquio icsho bëdanmiaid nepondash.

Madcos 14:3

Adnubien Esus shubu daëdpactsëcquid Betania caid yacno choash Simonën shubun puduedshun pec tabadpanëdash. Simon aton dada daush daushpambo yec daicsaidquio icsho bëdanmiaid nepanëdash. Aden pec tabadshobien chido choquin ambi piucquid dadpenquio menequin bedaid sedunte postichoquidën icquid danoshquete bëdambo nuadquid dëdquëntanquin Esus machiuimpanëdash.