Mateo 21:15 - El Nuevo Testamento en matsés

¹⁵ Adosho isashien Esus chieshënquido Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido nëishpondash. Adnubien bacuëbo: Nuquin tsusedpa Dabidën Mado caid yec mibi bëdamboshë iquec, quec Esus caic cuëdënsho tantiash bëdiactsëc nëishbuedi nëishquiopanëdash.

Mateo 21:15 Referans Kwoze

Mateo 21:9

Matses dadpen bëyuc nidnubi aidtedbidi tsiuec chochopondash. Adec nidannec abitedi nadec cuëdënnidpondash: Adeduya. Cun tsusedpa Dabidën Mado yec mibi bëdamboshë iquec. Mibi chomequid Nuquin Papatsen abitedishun icbo bëdamboshë iquec. Adeduya, quec cuëdëncuededpondash.

Uanën dada uaid 12:19

Aden ismebededsho isashien padiseobo chuinanec tabadec: ¿Mitsipadoendac nuqui? Ma nuquitedi tantianubi: Nuquin chuiquid tapambo nec, cabededpayoc. ¿Mitsi paden Esus uënës uametiad? quecuededpanëdash.

Uanën dada uaid 7:42

Nuquin Papan chuiquin dada uamiampid nad iquec: Nuquin Papan Chomiaid Mesias Quidistu caid nuquin tsusedpa Dabidën tsiuecquid nendac. Dabid tishampid shubu daëdpactsëcquid Beden caid yacnoshon aidi tishendac, quequin chuipampic. Aden chiampid icnuc Esus Quidistu ictiapimbo iquec, quepanëdash.

Uanën dada uaid 4:1

Adnubien cun matsesën chuiquido padiseobon: Uan acten mentoanquidën naid dëniacquin Esusën abi tsibanquid dadpen icsho acten mentobanosh, quequin chuisho tantiapanëdash.

Ducas 22:66

Adashic badiadbudnubi isadaidbon chuiquido nëidted iccuededpanëdash. Nëidic isadaidbon chuiquid tsësiobo. Nëidic Nuquin Papa ismequin nëish iua cuessunneshun pichicaquidon chuiquido. Nëidic Moisesën chiampid tantiamequido. Aidtedishun aton matsesën chuiquidotedi iccuededacno Esus buanshun

Ducas 22:2

Aid uëshë choabicnuc Nuquin Papa ismequin nëish iua cuessunneshun pichicaquidon chuiquidobëd Moisesën chiampid tantiamequido iccuededtednequin: ¿Mitsipaden utsibo ismenquio icquin Esus bedmeshun uënës uametiad? quequin tantiec tabadpanëdash. Aden tantiaquimbi Esusën chuibansho tantiec matses dadpen icsho isash dacuëdquin Esus bedmenquio icpanëdash.

Ducas 20:1

Adashic Nuquin Papa tabadte shubu dapa daquënë uaidën puduedshun: Nuquin Papa yacno tabadte iquec, quequin Chiaid Bëda Esusën iccuededquido chuibampanëdash. Aden chuibannubien tsësiobo yec Nuquin Papa ismequin nëish iua cuessunneshun pichicaquidon chuiquido yec Moisesën chiampid tantiamequido yec quec chochopanëdash.

Madcos 11:18

Aden chuisho tantiash matses dadpen: Chuiquid tapan chiacpadombuen Esusën chiec, quepanëdash. Aden chuisho tantiash dacuëdequi: Icsambocquid Esus neque. ¿Mitsipadombuen bedmeshun uënës uametiad? Aid tantiaquin matsesën nuqui chiacpadombuen nainquio ictsiashe, quequin Nuquin Papa ismequin nëish iua cuessunneshun pichicaquidon chuiquidobëtan Moisesën chiampid tantiamequidon tantiapanëdash.

Mateo 27:20

Adnubien Esus chieshënquido Nuquin Papa ismequin nëish iua cuessunneshun pichicaquidon chuiquidobëtan isadaidbon chuiquid tsësiobon ambo tabadquido chuibudpanëdash. Pidaton: ¿Mitsicquidimbi puduenmepe? cac: Badabas puduenmequimbi Esus uënës uame, quequin chuidoneta, cac: Ai, adoendambi, quecuededpanëdash.

Mateo 27:1

Adnubien Nuquin Papa ismequin nëish iua cuessunneshun pichicaquidon chuiquidobëd isadaidbo tsësiobobëdi Esus isec tabadec ushenquio yec badiadbudpanëdash. Adec badiadbudshun Esus chieshënquin: Ma Esus uënës uamenu. Buanec nidnunid, queshun

Mateo 26:59

Adnubien abëtan chuiquidobëtan Nuquin Papa ismequin nëish iua cuessunneshun pichicaquidon chuiquid tapan Esus cuessunnemete bunquin: Esusën icsambuen nasho isombi, quequin muaquin chuisho tantianuna, queshun chochomiac muaquimbi dadpenshun: Esusën icsambuen nasho isombi, quequin chuibededpanëdash.

Mateo 26:3

Adnubien isadaidbon chuiquidobëd Nuquin Papa ismequin nëish iua cuessunneshun pichicaquidon chuiquido aton chuiquid tapambo Caipas cuëmëdquidën shubu dapan iccuededec pudued puduedpanëdash.

Mateo 22:42

Umbitsen mibitedi chuinu. Tantia. Nuquin Papan Chomiaid Quidistu Mesias caid ¿Mitsi padquid nepec? ¿Matsesën madouidtsëquida nepec? capondash Esusën. Adoaquien badedi: Tsusedpa yampid Dabidën tsiuecquid nec, quequin Dabidën mado caimbi, capondash padiseobon.

Mateo 21:23

Adcuidanec Edusaden yacno padpidec nidshun Nuquin Papa tabadte shubu dapa daquënë uaidën puduedshun Esusën Nuquin Papan Chiaid chuibampondash. Adsho tantiashun cun matses tsësiobobëtan Nuquin Papa ismequin nëish iua cuessunneshun pichicaquidon chuiquidon Esus icsambuen chuimenuen chuituidpondash ¿Tsuntsin: Chuibanta, cac chuibanquin nai? capondash.

Mateo 9:27

Auëshquio puduanec nidshobien bëshuaid daëdshun tsibambanquin cumapenec cuëdquin Esus naden chuipondash: Dabidën Mado icquin ubi daëdi bëdambuen tantiaquin ubi bëdanme, quequin cuëmpondash.

Mateo 20:24

Aden chuisho tantiashumbimbi ubitedi 10tedshun Uambëta Santiaco nëishëmpondac.