Mateo 20:30 - El Nuevo Testamento en matsés

³⁰ Adnubien aid podquied cuëman bëshuaid dada daëd tsadquid: Esus cuenec, quesho tantiashien aid daëdi cumapenec cuëdec: Tsusedpa Dabidën Mado caid icquin ubi daëdi bëdambuen isquin nashunta, Icbo, quepondash Esus caic.

Mateo 20:30 Referans Kwoze

Madcos 10:46

Aden chiashic shubu dadpen icquid Edico caid yacno Esus abëd icquidobëd chochopanëdash. Adashic auëshquio nidannesho issun matses dadpenshunquio tsibanampanëdash. Adnubien Timeon mado Badtimeo cuëmëdquid bëshuaid onquec: Ubi piucquid mene, quiannequid podquied cuëman tsadpanëdash.

Mateo 22:42

Umbitsen mibitedi chuinu. Tantia. Nuquin Papan Chomiaid Quidistu Mesias caid ¿Mitsi padquid nepec? ¿Matsesën madouidtsëquida nepec? capondash Esusën. Adoaquien badedi: Tsusedpa yampid Dabidën tsiuecquid nec, quequin Dabidën mado caimbi, capondash padiseobon.

Mateo 21:14

Adoambien Nuquin Papa tabadte shubu dapa yacno bëshuaido yec tidinquequido yec quenuc bëbëpondash. Aden bëbëacsho issumbien Esusën aidotedi bëdanmebampondash.

Mateo 21:9

Matses dadpen bëyuc nidnubi aidtedbidi tsiuec chochopondash. Adec nidannec abitedi nadec cuëdënnidpondash: Adeduya. Cun tsusedpa Dabidën Mado yec mibi bëdamboshë iquec. Mibi chomequid Nuquin Papatsen abitedishun icbo bëdamboshë iquec. Adeduya, quec cuëdëncuededpondash.

Hechos 2:30

Dabidën Nuquin Papan oncamiaidquio icquin dada uaquin: Naden Nuquin Papan chiondashi. Mibi uënësan min tsiuecquid chuiquid tapabidi iquendac, quequin Nuquin Papan Chiaid abimbo iquec, quequin tantiaquiopampic Dabidën.

Ducas 7:21

Aden chiaquien nënquidobëta dada daicsaido bëdanmequinc, podobitsi icsa dapuduedaid dapuduenmequinc, bëshuaid bëdanmequinc caquin Esusën ismebampanëdash.

Ducas 4:18

Nuquin Icbon Mayanën namiaidquio nebi. Aidëmbi: Nuquin Papana nec, caidquio nebi. Aidën: Atona nibëdquido Chiaid Bëda chuibanta, caidquio nebi. Quënën tsadunaido ambi icsambuen naid ënmenuen chuibanta, caidquio nebi. Bëshuaid bëdanmeta, caidquiobidi nebi. Aidëmbidi: Mayan Icsa Satanasën iuaid icsho Nuquin Papan iua icmenu, quequin chuibanta, caidquio nebi.

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 13:4

Adec nidshun pete ëshë secac maisec utsi utsiec podqued nantan paëdacsho istanec choshon uicchunën cheposh.

Mateo 20:31

Adsho tantiashun matses dadpenshun naden chushcapondash: Padi. Aden cuënenda. Aden cuënsho tantiac chieshanquiec mibi iqueque. Otacquio tabad, caquien abi niacbidanec buëdanquiec: Tsusedpa Dabidën Mado caid icquin ubi bëdambuen isquin nashunta, Icbo, cauapondash.