Mateo 20:28 - El Nuevo Testamento en matsés

²⁸ Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Mateo 20:28 Referans Kwoze

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Ducas 22:27

Abi pemequid abi nashunquid nec. Adembidi pec tsadquid chuiquid nec, quequin utsibon ispec. Aden tantienda. Ubien mibëdi pec tsadquid yequi mibitedi nashunquidquio nec.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Timoteo 1 2:6

Aidi abi tantiaquid cuidmenquio icnuec abided cuidadec uënëspanëdash. Aden Nuquin Papan ambi tantiacpadënquio Esus chomepanëdash. Matses abitedi cuidenquio icquin bëdambuen iste bunquin Abëd tabadmequid Nuquin Papa nec, matses camenuen Esus uënësmepanëdash.

Esusën Uan ismiaid 1:5

Adembidi Esuquidistun mibi bëdambuen isquin bëdambo icmendac. Nuquin Papan bëdambuen iste tantiamequidquio aidi nec. Abia aton dada uënëstiapimbo icquid icmequin uincuenmiaidquio nec. Adquid yec abitedishun Icbombo nec. Aidënuidtsëqui nidaidën tabadquidën chuiquid tapa abitedimbo namendac. Aidi nuqui tantiaquidquio yec nuqui cuidmenquio icnuec nuqui icsambuen naid bedshunash abided cuidadec intac chididiquec uënëspondash.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Ebedeo 5:8

Nuquin Papan Madombo icshobi mëyanquin natiamiaqui Nuquin Papan chiacpadombuen ënenquio icquin nate tantiabempanëdash.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Epeso 1:7

Matses bëdambuen iste bunquidquio icquin Nuquin Papan namiac Esuquidistu aton intac chididiquec uënësaidën nuquitedi icsambuen naid bedshunquin nuqui icsambuen naid tantienquiocnoc Nuquin Papa bëshunmendac.

Madcos 14:24

Aid actequid acshobien: Nëid cun intacbimbuecquid nec. Aid acquin: Ubi cuidmenquio icnuen Nuquin Papan abided cuidmiac aton intac siquebudpambuec uënëspanëdash. Adec uënësaid tantiaquid icsho Nuquin Papan ubi cuidenquio iquec, quequin nëid acquin ubi tantiata.

Mateo 26:28

Aid actequid acshobien Esusën: Nëid cun intacbimbuecquid acquin: Ubi cuidmenquiocnoen Esusded Nuquin Papan cuidmiac aton intac siquebudpambuec uënësposh. Adsho issun Esus tantiaquid icsho Nuquin Papan aid matses icsaid tantienquio yec bëshunquin cuidenquio iquendac, quequin tantiata, quepondash Esus.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Cadasia 3:13

Abitedishun Moisesën chiampiduidi natiapimbo yec icsambuec tabadsho isash abided cuidadec uënësquin Esuquidistun nuquitedi icsambuen naid bedshunquin bëdambo icmepondash. Naden chuiquin Nuquin Papan dada uamiampid iquec: Cueste napotiaidën dectanmiaid Nuquin Papan cuidaidquio nec, quequin dada uamepampic.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Uan 1 2:2

Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.

Ebedeo 2:10

Aden: Cuna icmenu, quequin Nuquin Papan abitedi uaquid icquin naden tantiapanëdash: Matses cun madobëta cun champi icmeshun bëdamboshë yacno ubëdi tabadmendambi, quepanëdash. Adshumbic ambi tantiacpadembidi: Esuquidistu matsesmeshun natiamiaqui icsambuen naisa yec abided cuidadec uënësacsho uincuenmeshun ubi yacno matses ubëd tabadmequid icmendambi, capanëdash.

Uanën dada uaid 10:15

Nuquin Papabëd ubi tantiananacpadquiec ubi tantiaquidobëdtsen tantiananquiebi. Aden ubi tantiaquido tantiec Cun Pa aido cuidmenquio icnuec ubided cuidadec uënësendabi.

Mateo 8:20

Esusën: Tantia. Mibi chuinu. Bëdi chëshë aton shëcuën ushquid. Uicchun aton shubu uash abuc ushquid. Padnueni Matsesën Tishaid yequi cun shubu nibëdnuc ubi ushte nibëdec, capanëdash.

Mateo 20:27

Mibitedi chuiquid tapa icte bunquin iuan aton icbo nashunacbimbuen utsibo nashunta.

Madcos 10:45

Adecbidi Matsesën Tishaid icsho ma ubi matsesën nashunnu, quecpenquio chondabi. Adenquio icquin matses tantiaquin Nuquin Papa icsambuen naquidobi cuidmenquio icnuec ubided cuidadec uënësendabi, quepanëdash Esus.