Mateo 20:23 - El Nuevo Testamento en matsés

²³ Adsho tantiashien: Ai, ubi tantiaquid yec mibi mëyadquiendac. Padnuembi umbimbo mibi chuiquid tapa icmequin mibi ubi datsadmetiapimbo iquec. Cun Pambien ambi tantiacpadombuen ubëtan chuiquid tapa icmendac, quequin Esusën chuipondash.

Mateo 20:23 Referans Kwoze

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.

Hechos 12:2

Aden quënën tsadunmeshun Santiaco chështen seshunnemepanëdash. Aidi Esusbëd iccondaid Uanën utsimbo nepanëdash.

Madcos 10:40

Aden chuishumbic: Abuc nidash chuiquidquio yec cun dayunquio ëquë tsadbudcuenec nëmbo tsadec cho, quetiapimbo iquendabi. Nuquin Papambien ambi tantiaidquio aden tsadunendac. Umbi padenquio iquembi, quepanëdash Esus Uambëta Santiaco chiec.

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Codinto 1 2:9

Nuquin Papan chuiquin dada uamiampid nad iquec: Nuquin Papan abi tantiaquido tabadmenun nacnenaid iquec. Aidi matsesën tantiacmaid isquin: Nadquio iccosh, quequin chuitiapimbo iquec, quequin chuipampic.

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Ebedeo 11:16

Adenquio yec: Nuquin Papa yacno bëdamboshë yacno tabadte bunquiebi, quesho tantiashun: Cun matses nec. Aidon Papa nebi, quequin chuishun abi yacno abëd tabadte Nuquin Papan icmiaid shubu dadpen icquid abi iquec.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Codinto 2 1:7

Utsin natiamiaid icquimbi chieshtoenquio icquin abi Esus tantiec, quequin mibitedi tantiec tabadebi. Ubitedi natiamequin chieshënacpadembidi mibitedi chieshënquin natiamesho issun Nuquin Papan nuquitedi bëdambo icmequin chieshtoenquio icmendac, quequin tantiembi.

Mateo 13:11

Esus nadpondash: Utsibo tantiamenquio icnëdaidi: Nëbi Nuquin Papan namiacno tabadte iquec, quequin mibitedictsëqui tantiamembi utsibo padenquio icquin.

Mateo 20:24

Aden chuisho tantiashumbimbi ubitedi 10tedshun Uambëta Santiaco nëishëmpondac.