Mateo 2:13 - El Nuevo Testamento en matsés

¹³ Adec Esus isuambuedo uispa isquido nidambien Nuquin Papabëd icquidën Ose ushquin ismequin naden chuipanëdash: Isucunanec cuenta. Bacuëmpi aton titabëta buanec nidaid utsi Equipito yacno cuenta. Nuquin Papan: Cho, cabi choenda. Ambobi tabadta. Edodesën: Bacuëmpibo cuessun secatan, cac chochoeque. Cuenta, quequin Ose ushquin ismepanëdash Nuquin Papabëd icquidën.

Mateo 2:13 Referans Kwoze

Hechos 12:11

Abëd icbuedi isadenquio yannubien Petedo tantiactanec: Edodesbëd isadaidbo ubi cuessunnemete bunsho issun Nuquin Papan ubi puduenmenuen abëd icquid chomiosh. Abimbo iccosh, quequin tantiec Petedo nidpanëdash.

Hechos 10:7

Aden chianec Nuquin Papabëd icquid nidambic Codnedion aton iua daëdbëta ambi tantiaidquio Nuquin Papa tantiaquidbidi icsho sondado utsi abentsëc chomeshun

Hechos 5:19

Adnubien aid inchëshëmbi Nuquin Papan abëd icquid budmiaidquio choshon shëcuë bëtashaid bëcadoquin abitedi puduenmec:

Mateo 2:12

Adoash ushtoacsho Nuquin Papan ushquin ismequin naden chuipanëdash: Isadaidbon chuiquid tapa Edodes chuibidanenda, quequin ushquin ismiac isucunanec abi chobuedën nidenquio yec podquied utsin nidpanëdash aton nidaid yacno nidec.

Mateo 1:20

Aden Osen tantiasho Nuquin Papan abëd icquid budmiaidën naden chuiquin Ose ushquin ismepanëdash: Dabid yampidën tsiuecquid icsho mibi chuinu. Tantia, Ose. Chudenquio icquin Nuquin Papan Mayan Bëdan Madia bacuë usundomiaque. Dacuëdenda. Dacuëdenquio icquin Madia min chido icmequin min shubuno buanta.

Mateo 2:16

Adnubien isadaidbon chuiquid tapa Edodes: Uispa isquin tantiaquidon cacuidposhi, quiash cumapenec nëishshun aton iuabo naden chuipanëdash: Uispa isquin tantiaquidon chuibocpadtsëcquid dada bacuëmpibotedi seta daëd ictsëcquidotedi cuessun secatan. Beden yacnocquidon bacuëbobëtabi uanno pauequidon bacuëbotsen cuessun secatan, cac cuessun secatampanëdash.

Esusën Uan ismiaid 12:14

Adoshobien Nuquin Papan chiqui dapan podobiecquid meniac bedanec aid podombi cuenec matses nibëdacnombo masiuidquio yacno Nuquin Papan tantiacnombo chido nidposh. Ashunquio nisi dapabimbuecquidën icsa uatiapimbo icnuc seta 3ted matanmetanec seta utsi choaid poctsembo cuëscaquin Nuquin Papan aid chido pemequin dayunuaposh.

Hechos 16:36

Aden chiac: Ista, cabuedën: Nëbi quënën tsadunmebued aid dada daëd puduenme, quequin cuidte chuiquidon chiosh, quequin aidon chomiaidën chioshibique. Dacuëdenquio yec puduenanec nidec nid, capanëdash Pabadobëta Sidas chuiquin.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 7:19

Aidëmbi mua uaquin chuiquin natiamequin nuquin tsusedpabon dada bacuë tishacsho: Bedenquiocquin cuessunneta, quequin chuipampic.

Mateo 10:23

Shubu dadpen icquid yacno nidacsho natiamequin chieshënac shubu dadpen icquid utsi yacno cuenta. Amboshontsen umbi naid chuisho chieshënuac shubu dadpen icquid utsi yacnotsen cuenuata. Adecuidi cuendedneta. Nëid nidaid Isadaidën shubu dadpen icquid abitedi yacno nidabi icnubi nuquin matses isadaidbo abitedi chiabi icnubini Matsesën Tishaid yec chouaindac, quepondash Esus.

Esusën Uan ismiaid 12:6

Adnubien chido nisi dapabimbuecquid cuenënec matses nibëdacnombo Nuquin Papan tantiacnombo nidposh. Ambo tabadsho issun Nuquin Papan bëdambuen dayun uaquin pete pemeposh. Amboshon seta 3ted matanmetanec seta utsi choaid poctsembo cuëscaquin dayunuaposh.

Esusën Uan ismiaid 12:4

Aidëmbi aton incuente ënapen icquidën uiccaquin uispa dadpen nidaidën siabudposh dadpenquioshë padabi icnuc. Adshumbic chidon tishshobi aton bacuë peshunnuen aiduidi bëisquin caimposh.

Mateo 2:22

Aton nidaidën nidshun aton matses: Udea yacnocquido Edodes padon mado Adquedayo cuëmëdquid chuiquid tapa icsambocquidbidi nec, quesho tantiashien Ose dacuëdtampanëdash. Adshobien Nuquin Papan Ose ushquin ismequin naden chuipanëdash: Cuessunnenushe. Min nidaid Udea caidën nidenda, quequin ushquin ismiac isucunanec aid nidaid Isadaid caidëmbidi nidec aid nidaid cuëshë utsi Cadidea caidën nidpanëdash.

Mateo 2:14

Aden ushquin ismiac isucuntanequi aid inchëshëmbi puduanquin Osen aton bacuëbëta aidën tita buanec nidaid utsi Equipito yacno nidpanëdash.

Hechos 12:7

Adnubien Nuquin Papabëd icquid isadcuenec Petedon dayun chonoc quënë nuntan cumapenec chënquepanëdash. Adec choshon Petedo cuës cuëscaquin: Baded nidto, cac nidtonobi shocosh bucun mëtaniaid badedquio seccuduquec mëchiquidpanëdash.