Mateo 18:33 - El Nuevo Testamento en matsés

³³ ¿Umbi mibi bëdambuen isbocpadombuembidi mibi padquid utsi bëdambuen istiapimboda icco? Ma iuecshun bënu, queshun mimbi meniactedi bëabi icquid icsho bëdambuen isec mibitsen bëdambo ictsenac.

Mateo 18:33 Referans Kwoze

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Epeso 4:32

Adecbidi bëdambuec tabadquin utsibo uënësquio icquin tantiaquin nashunnanta. Esuquidistunuidtsëqui nac mimbi icsambuen naid tantienquio yec Nuquin Papa bëshunacpadquiec utsin mibi icsambuen naid tantienquio yec bëshunuata.

Mateo 6:12

Ubi chieshënquidon naid tantienquio yec ubi bëshunacpadecbidi umbi icsambuen nabued tantienquio yec bëshunta, Papa.

Mateo 5:7

Utsibo natiasho isash uënësquiocquin bëdambuen isquid Nuquin Papan uënësquiocquin bëdambuen isendac.

Mateo 18:32

Aden chiac tantiashun icbon ambi cuidenquio icquin bëdambuen isbued chomeshun chushcaposh. Icsambo icquidquio mibi nec. Chiata. Mibi menembi, quesho: Padi. Ubi menenda, quequin mibi bëdambuen isombi.

Mateo 18:34

Mibi yacpadec nëishshun mibi cuidembi, caposh icbon. Adshun quënën tsadunmeposh. Ambi bedactedi piucquid dadpenquio meniash ma puduempanu, queshun quënën tsadunmeposh.