Mateo 18:22 - El Nuevo Testamento en matsés

²² Esusën: 7teden, quequin daëdpactsëcquio mimbi chuipec. 70 pod 7 caid 490teden ënenquio icquin bëdambuen istedniac bëdambo ictsiash, quepondash Esus.

Mateo 18:22 Referans Kwoze

Codosas 3:13

Mimbi nacpadombuen utsibon nainquiocsho issun: Tantienquiocquid nec, quenquio icquin adembi chuiban. Adecbidi utsin mibi icsambuen chieshënquin nasho isash aidën naid tantienquio yec bëshunta. Nuquin Papa umbi icsambuen naidtedi tantienquio yec bëshunosh, quec adta.

Madcos 11:25

Aden Nuquin Papa chuinuec utsin mibi icsambuen nashunaid tantienquio yec bëshunta. Adsho abucshun isash Nuquin Papa mimbi icsambuen naid tantienquio yec bëshunendac.

Epeso 4:31

Chieshëmënec tabadenda. Uënësquio yec tabadenda. Utsi chieshënquin icsambuen chuishunenda. Cumapenec nëishbuedi bëdanta. Utsi cuestiadquio yec chieshbuedi bëdanta. Utsi chushcabuedi ënta. Utsi icsambuen chuishunquin ënta. Icsambuen tantiaquin nabanaidtedi ënta.

Doma 12:21

Icsambocquidën dëniacquin chieshtomiadenda. Adenquio icquin bëdambuen naquin icsambocquid dëniacta.

Epeso 4:26

Nëishshun icsambuen nainda. Nëishash abi uëshëmbi badedquio bëdanta.

Timoteo 1 2:8

Tantia. Dadatedi chuinu. Iccuededec cuëdënacno puduedshun Nuquin Papa chuinuec bëdambuequien tabadtiad. Nëish bëdanash chushcananenquio icquimbien podo cadoquin Nuquin Papa chuitiad.

Mateo 18:23

Adashic abi onquec: Nuquin Papan namiacpadombuen matses bëdambuen iste mibitedi chuinu. Tantia. Chuiquid tapan iuabo dadpen icposh. Ma ambi bedaidtedi piucquid ubi meneuanu, quequin tantiaquin aton iuabo aton shubuno chochomeposh.