Mateo 18:20 - El Nuevo Testamento en matsés

²⁰ Ubi tantiec daëd tabadnuc adecbidi 3ted tabadnuc aidon nënantanquio ubibi iquendabi, quepondash Esus.

Mateo 18:20 Referans Kwoze

Codinto 1 5:4

Mibitedi Esuquidistu tantiec iccuedednuc mibëd yacbimbuec iquebi. Adembidi Nuquin Icbo Esusën mibëd icquin ambi tantiacpadombuen namendac. Aden Nuquin Icbo Esusën namiaid icquin

Esusën Uan ismiaid 21:3

Adnubien aton tsadte dapan tsadacnouëshquio cumapenec naden chiec onquesho tantiapombi: Cun matses nec, quiash nëmbo aidobëd cuëshëdenquio yec Nuquin Papa tabadendac. Adsho issun aton iuabo icquin abitedishun: Nuquin Papauidtsëqui nuqui tantiaidquio icsho aid Nuquin Papa caindac.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Uanën dada uaid 20:26

Tomas adbon 7tedec ushash shubu nuntambidi Tomasbëd ubitedi tabaduapondabi. Puduedtiapimbo icnuc padpiden shëcuë bëtashash tabaduanubien Esus nënantanuëshquio isadcuenuapondash. Adash: Dacuëdenda, queuapondash.

Uanën dada uaid 20:19

Madian aden chuibued dominco uëshë inchëshbudtsëqui shubu nuntan Esusbëd icbuedobëdi tabadpondabi. Cun matses isadaidbon chuiquido dacuëdënquin umanucuësh utsi puduedtiapimbo icnuc bëdambuen bëtashash tabadnubien shëcuënuësh puduedenquio icbuedi nënantanuëshquio Esus isadcuempondash. Adtanequien: Dacuëdenda, quepondash.

Esusën Uan ismiaid 2:1

Naden chuiposhi: Epeso yacnoshon ubi chuibanquidën iste chuinu. Dada uata. Ubi uispa 7ted icquid cun mëdante abiucshun sananec tabote manitsintequid shocosh bëshpiu bëshpiucquid odo caid nacnenaid 7ted tabëcaid nënantanquio capuec nebique. Tantia, Epeso yacnocquido. Mibitedi chuinu.

Pidemon 1:2

Adembidi mibëd icquid Apia cuëmëdquid Esuquidistu tantiaquidquio icsho umbi cun chu caid nec. Mibëd icquidbidi Adquipo cuëmëdquid sondadobimbuen Nuquin Papan chiacpadombuen naquin Esuquidistu chieshtoenquio icquin tantiaquid icsho umbi cun utsi caidbidi nec. Aidobëd min shubun Esus tantiec iccuededquidotedi caic: Pabado chedon mibitedi tantiec, cata.

Tesadonica 1 1:1

Pabado nebi. Ubëdi Sidbanobëd Timoteo nëmbobi iquec. Aidobëtan mibi tantiaquin: Mibi tantiec tsadebi, quequin dada uaimbi. Shubu dadpen icquid Tesadonica yacnocquido Nuquin Papabëta Nuquin Icbo Esus tantiaquido icsho mibi chuiquin dada uaic nebi. Nuquin Papan Esuquidistubëtan bëdambuen isquin ma mibitedi bëdambuec tabadmepanuna, caimbi.

Uanën dada uaid 8:58

Adshobien Esusën: Abimbo chuinu. Tantiata. Abadauan tishabi icnubi ëndenquimboshë ictennedi nebi, capondash.

Mateo 18:21

Adec: Icsa uanec chieshtomianquid iquendac, quesho tantiashumbien Petedon Esus chuipondash: ¿Icsa uanec chieshtomianquid tedentsimbi chieshënenquio icquin ambi icsambuen naid tantienquio yec bëshunquin bëdambuen isuape? ¿7tedembi bëdambuen issun bëdambuen isenquio icquin ënacta bëdambo icpatsiash? caquien