Mateo 17:15 - El Nuevo Testamento en matsés

¹⁵ Cun mado bëdambuen isquin bëdanmeta, Icbo. Baded badedquiec uënësannec cute nëpaëdec pichiquianniosh. Adecbidi acte nëpaëdtedniosh.

Mateo 17:15 Referans Kwoze

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 17:16

Mibëd icquidon bëdanmete danquin bëuidombi. Bëdanme, cac bëdanmenuen tanuidosh, caquien

Uanën dada uaid 18:2

Ambo tabadnubien Esus bedmenuen Udasën: Ubi abëd tabadtennebocno tied yacnoen nidchitash, quequin tantiapanëdash.

Ducas 6:18

Aidotedi Esusën chuibansho tantianuec chochoash tabadnubi: Ubi bëdanmec, quequin tantiec nënquido tabadpanëdash. Aido Esusën bëdanmepanëdash. Adecbidi podobitsi icsa dapuduedshun mëyadmiaid icsho issun Esusën podobitsi icsa dapuduenmequin bëdanmebampanëdash.