Mateo 16:3 - El Nuevo Testamento en matsés

³ Badiadnuc abu piumbo icbuedi inchëshpambo icsho isash: Ue dapa choec, quequid icquin nuquin matsesën chiaid tantiaquin chuiquid mibitedi nec. Aidën chiaid tantiaquid icquin bëdambuen tantiatiadquidi: Ubi isme, quequin Nuquin Papan nëbimbobi naid isquimbi mimbi tantienquio iquec.

Mateo 16:3 Referans Kwoze

Ducas 12:56

Adec abuc icquidbëta nidaidën icquid adquio iquec, quequin mibitedishun tantiec. Aden tantiaquid icquimbi ¿atotsi queshun abucshun Nuquin Papan Chomiaid issumbi ubi tantienquio mibitedishun icpe? Adquido yec Nuquin Papa tantiaquid nebi, quec bëdambocquid danmianquido mibitedi nec, capanëdash Esusën.

Ducas 13:15

Adosho tantiashumbien Esusën: Bëdambocquid danmianquido mibi nec. ¿Chonoadtemaid uëshën: Nëish iua baca bënëbëta cabachubitsecquidëmpi acte acmebono, queshun mimbi iuaid nëshaid chicshun acte yacno buanenquioda mibitedishun icpe?

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Ducas 11:44

Adembidi: Matses uënësaid chococaid manenushe mabësnu, quiacbimbuen: Ubi icsaid tantianushe, quequi bëdambocquid danmianquido yec icsambocquido icsho Nuquin Papan cuidtequidombo mibitedi nendac, quepanëdash Esus Moisesën chiampid tantiamequidobëta padiseobo chiec.

Mateo 23:13

Adshumbic Moisesën chiampid tantiamequidobëta padiseobo naden chuipondash: Bëdambo icquid danmianquido yec icsambo icquido icsho Nuquin Papan cuidtequidombo mibitedi nendac. Nuquin Papan Chiaid tantienquio icquin aid yacno iuedanquid tantiesa mibitedi nec. Adquid yec mibi aid yacno puduedtiapimbo icquin mimbi chuibanquin mua uac utsibotsen aid yacno puduedtiapimbo icuaindac.

Mateo 22:18

Aden chuisho tantiashun chobuedën: Icsambuen chuimenu, quequin tantiaid tantiaquid icquin Esusën nadopondash: Bëdambo icquid danmianquido yec mibi muambo nec. ¿Atotsi queshun ubi icsambuen chuimetiadquio ique?

Mateo 15:7

Nuquin Papa tantiaquid nebi, quec bëdambocquid danmianquido mibitedi nec. Ëndenquimboshë Nuquin Papan ambi oncamiaid Isayasën mibitedishun icsambuen tantiate naden chuiquin dada uamepampic:

Mateo 7:5

Bëdambocquid danmianquido mibitedi neque. Mibi bëctsiadaid mibia bëbedadshun: Mibitsen bëbednu, quetiadquidi mibi nec. Adembidi utsin icsambuen naid abentsëc icnubi mimbi icsambuen naid utsi utsiec icnuc ¿atotsi queshun: Mimbi icsambuen naid ënta, quequin mimbi utsi chuipe? quequin Esusën chuipanëdash.

Mateo 4:23

Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.